DHUNA NDAJ GRUAS/ Parimi i harruar nga shoqëria kosovare
Autori: Ermirë Berisha 18:14 | 28 November 2022
Duket se shoqëria kosovare ka harruar parimin që të drejtat e grave janë të drejtat e njeriut, dhe të drejtat e njeriut janë të drejtat e grave.
Si pasojë e kësaj harrese ne shohim çdo ditë në ballinat e mediave shqiptare raportimin e dhunës ndaj grave në Kosovë, ku rezulton me rritjen masive të numrit të dhunës.
Kjo tregon që shumë individë nuk dinë që dhuna ndaj grave është një shkelje e të drejtave të njeriut e që duhet të adresohet globalisht dhe urgjentisht.
Dhuna ndaj grave dhe vajzave në Kosovë ka arritur në një shkallë dëshpëruese, ku gjithë vendi duhet të ngritët në këmbë për ta çrrënjosur këtë fenomen negativ.
E për parandalimin e kësaj dukurie natyrisht që kanë një rol shumë të rëndësishëm edhe organizatat e shoqërisë civile.
Në kuadër të fushatës globale për Eliminimin e Dhunës ndaj Grave,”16 Ditët e Aktivizimit Kundër Dhunës me Bazë Gjinore”, emisioni Gratë N’Fokus me Era Berishën ka trajtuar temën se si duhet parandaluar kjo problematikë tejet shqetësuese në vendin tonë.
Organizata “Women 4 Women Kosova”, e cila është pjesë e organizatës ndërkombëtare “Women for Women International”, ka treguar ekskluzivisht për emisionin Gratë N’Fokus prodhim të Gazetës inFokus, se cilat janë masat për parandalimin e dhunës.
“Masat për ndalimin e dhunës ndaj grave janë ngritja e vetëdijes për të drejtat dhe rolin aktiv të grave në shoqëri, fuqizimi ekonomik i grave, trajtimi i barabartë i djemve dhe vajzave, informimi i grave për llojet identifikimin dhe raportimin e dhunës janë pjesë e punës tonë të përditshme dhe iniciativa jonë kundër dhunës është e vazhdueshme në 365 ditë në vit, vit pas viti”, ka thënë drejtoresha e organizatës, Iliriana Jaka Gashi.
Gashi ka treguar se një numër i madh i grave të cilat janë viktimë e dhunës të formave të ndryshme janë paraqitur tek kjo organizatë për shkak të mundësive të cilat iu ka ofruar.
“Ne kemi përvojë 23 vjeçare të punës me gra te margjinalizuara në pjesë të ndryshme të Kosovës dhe gjatë trajnimeve tona për fuqizim social, krijohet e ashtuquajtura hapësirë e sigurte ku gratë ndjehen të lira të shprehin edhe sekrete të jetës e që shpesh herë janë raste dhune. Ka pasur edhe raste ekstreme që kemi biseduar me polici ose i kemi udhëzuar në shtëpi të sigurta ose organizata qe mund të ju ndihmojnë me këshillime. Kosova ka nevojë të punojë shumë në parandalimin e dhunës por hallka më e dobët e zinxhirit është etapa e reintegrimit të viktimave dhe ne si organizatë mundohemi të kontribuojmë çoftë përmes trajnimeve profesionale dhe mundësive për punësim por edhe këshillave të psikologes. Shpresojmë që slogani i fushatës se këtij viti që është “bashkërisht apo të përbashkuar” të zbatohet sepse vetëm duke i bashkuar shërbimet e të gjithë akterëve në këtë fushë mund të arrihen rezultate”, ka shtuar drejtoresha e “Women 4 Women Kosova”.
Emisioni Gratë N’Fokus gjithashtu ka kontaktuar edhe me Policinë e Kosovës duke publikuar statistikat e dhunës për 2021 dhe vitin 2022.
“Të dhënat për vitin 2021: Në vitin 2021, janë evidentuar 2456 raste të dhunës në familje. Të dhënat për vitin 2022: Janar –tetor, janë evidentuar 2273 raste të dhunës në familje”, thuhet ne raportin policor.
Lufta kundër dhunës me bazë gjinore do të jetë një nga fitoret më të mëdha që mund të gëzojë aktualisht vendi ynë.
Andaj është koha që ne të ndërmarrim urgjentisht hapa konkretë për të avancuar të drejtat e grave.
Të kujtojmë çdo ditë që të drejtat e grave janë të drejtat e njeriut, dhe të drejtat e njeriut janë të drejtat e grave./Gazeta inFokus/
Të tjera
-
Stano: Arrestimi i zyrtarëve policorë të Kosovës nga Serbia, shqetësues
Zëdhënësi i Bashkimit Evropian, Peter Stano, tha për Radion Evropa e Lirë të ...
-
Një muaj paraburgim për kosovarin e ndaluar në Serbi nën dyshime për kríme ĺufte, thonë familjarët
Një gjykatë serbe ia ka caktuar masën prej një muaji paraburgim të pr...
-
Vràsja e Gjyljeta Ukellës, dëgjoni hoxhë Enes Gogën i cili tregon se çfarë ndodhi sot në ditën e premte
“Nëse dikush guxon me privu nga jeta pa të drejtë, një person tjetër atëherë ...
-
O’Brien zbarkon në Beograd, nesër mban takim me Vuçiqin
Ndihmëssekretari i Byrosë për Çështje Evropiane dhe Euroaziatike i Departamen...
-
Vazhdon akuzat Sanduloviq: Me urdhër të kujt po kërcëńohet, përgjohet dhe ndiqet vajza ime?
Politikani serb, Nikola Sanduloviq, ka treguar detaje të reja nga rasti i hed...
-
Lajçak: Nuk ka të ardhme evropiane për Kosovën e Serbinë pa normalizim të marrëdhënieve
Emisari special i Bashkimit Evropian për dialogun ndërmjet Kosovës dhe Serbis...
-
Kryetari i Zubin Potokut për referendumin e së dielës: Nuk do të këtë sukses dhe s’do të dal të votoj
Kryetari i Zubin Potokut, Izmir Zeqiri ka vlerësuar se referendumi i së dielë...
-
Në OKB kërkohet që Gjenocidi në Srebrenicë të dënohet globalisht
Gjenocidi në Srebrenicë duhet të dënohet në nivel global, duhet të shprehet m...
-
Çka po synon Serbia me testimin e ąrmëve në kufi me Kosovën, flasin ish-ushtarakët
Ish-ministri i Punëve të Brendshme, Bejtush Gashi ka thënë se stërvitjet usht...
-
Policia e Kosovës arreston një shtetas nga Maqedonia e Veriut, ishte në kërkim ndërkombëtar
Policia e Kosovës ka arrestuar sot në Ferizaj një shtetas të Maqedonisë së Ve...
-
ĶRIMI NË FAMILJE| 45 gra e burra të vrārë, këto janë shifrat shokuese të 4 viteve të fundit në Kosovë
Hiq më pak se 45 gra e burra u vranë nga familjarët e 10 mijë e 621 të tjerë ...
-
Instruktorë të zbulimit britanik trajnojnë FSK-në
Në ambientet e Komandës së Doktrinës dhe Stërvitjes (KDS), u përmbyll me suks...