Lajme

Dhjetëra të vrarë nga granatimet ruse në Kharkiv

Autori: Gazeta inFokus 14:08 | 28 February 2022

Dhjetëra civilë janë vrarë dhe qindra të tjerë janë plagosur gjatë bombardimeve të rënda ruse në qytetin lindor të Ukrainës, Kharkiv.

Anton Herashchenko, një këshilltar i Ministrit të Brendshëm të Kievit, shkroi në median sociale Facebook se trupat e Moskës kishin bombarduar zonat e banuara me raketa Grad.

“E gjithë bota duhet ta shohë këtë tmerr! Vdekje pushtuesit!”, theksohej në postim.

-Advertisement-

Në këtë fazë nuk është e mundur të thuhet saktësisht se sa civilë janë vrarë deri më tani. Shefja e OKB-së për të Drejtat e Njeriut, Michelle Bachelet, tha më herët sot se të paktën 102 civilë ishin vrarë, ndërsa 304 të tjerë u plagosën.

“Shumica e këtyre civilëve u vranë nga armë shpërthyese me një zonë të gjerë ndikimi, duke përfshirë granatimet nga artileria e rëndë dhe sistemet e raketave me shumë lëshime, dhe sulmet ajrore. Shifrat reale, kam frikë, janë shumë më të larta”, tha Bachlet.

Bisedimet midis Ukrainës dhe Rusisë kanë nisur në kufirin me Bjellorusinë.

Zyra e presidentit ukrainas ka deklaruar e prerë se qëllimi i Kievit për diskutimet ishte një armëpushim i menjëhershëm dhe tërheqja e të gjitha forcave ruse nga Ukraina.

Subscribe në YouTube: GAZETA INFOKUSI