Lajme

Dhjetëra mijëra myslimanë largohen nga dhuna e budistëve në Birmani

Autori: Gazeta inFokus 18:52 | 03 September 2017

Afro 73 mijë pjesëtarë të komunitetit mysliman, Rohingia, janë detyruar të largohen nga dhuna në Birmania në Bangladeshin fqinj, ka njoftuar sot Agjencia e Kombeve të Bashkuara për Refugjatë.

Kjo pakicë myslimane e ka kaluar kufirin prej shpërthimit të dhunës më 25 gusht në shtetin Rakhine, tha zëdhënësja e Komisionarit të lartë për refugjatë të Kombeve të Bashkuara, Vivian Tan.

Zyrtarët e sigurisë së Birmanisë dhe kryengritësit Rohingia, kanë bërë akuza reciproke për kryerje të masakrave.

-Advertisement-

Ushtria tha se afro 400 vetë, shumica prej tyre kryengritës, janë vrarë gjatë përleshjeve të fundit.

Refugjatët i kanë akuzuar forcat e sigurisë dhe turmat budiste, për kryerjen e sulmeve kundër civilëve, djegien e shtëpive të tyre dhe dëbimin nga shteti, Rakhine.

Grupi Human Rigjhts Watch i ka transmetuar pamjet e reja satelitore nga Birmania, për të cilat ky grup thotë se tregojnë se më se 700 shtëpi janë shkatërruar në një fshat në Rakhine.

Tensionet ndërmjet myslimanëve Rohingia dhe budistëve kanë shpërthyer në kryengritje të përgjakshme në vitin 2012, me ç’rast më se 100 mijë pjesëtarë të komunitetit Rohingia, ishin detyruar të strehoheshin në kampe. /REL/

Subscribe në YouTube: GAZETA INFOKUSI