Rozë

Dhe çmimi për njeriun më të ndjekur në TikTok shkon për… Khaby Lame

Autori: Gazeta inFokus 08:22 | 24 June 2022

Khaby Lame është zyrtarisht njeriu më i ndjekur në TikTok duke ja kaluar dhe balerinës amerikane Charli d’Amelios.

Ai tanimë numëron 142.5 milion ndjekës në rrjetin social.

22 vjeçari nga Chivasso (Torino) në 2021 ishte i treti 73.2 milion fansa. Ai ka lënë pas gjithashtu dhe blogeren e famshme italiane Chiara Ferragni.

-Advertisement-

I pushuar në pandemi nga fabrika ku punonte, ai filloi të bënte video në TikTok duke ironizuar tutorialet që qarkullonin në rrjet e që për gjëra shumë të thjeshta të përditshmërisë, jepnin zgjidhje tepër të ndërlikuara.

Suksesi i vërtetë erdhi në mars 2021, kohë në të cilën ndjekësit e tij filluan të rriteshin shumë shpejt: në gjashtë muajt e fundit të atij viti ai kishte fituar 47 milion.

Me kalimin e kohës, Khaby vazhdoi të bënte video si ato që e bënë të famshëm, megjithatë ai gjithashtu mundi të evoluonte dhe zgjeronte videot e tij me bashkëpunime dhe figura të rëndësishme sportive dhe argëtuese, si futbollistët Alessandro Del Piero, Paulo Dybala, Alexander Zverev dhe këngëtari Ed Sheeran.

Renditja e më të ndjekurve në TikTok

Në rrjetin social kinez, Khaby Lame dhe Charli D’Amelio janë thuajse të paarritshme. Ndjekësit e drejtpërdrejtë janë shkëputur nga dhjetëra mijëra ndjekës.

Këngëtarja me origjinë filipinase Bella Poarch, e cila u bë e famshme për kërcimin duke përdorur vetëm lëvizjet e fytyrës, është fituese e medaljes bronzi me 90.2 milion mbështetës.

Addison Rae, balerina dhe aktorja amerikane ka 88 milion dhe në vendin e pestë është aktori Will Smith me 72.3 milionë ndjekës.