Nga e hëna e ardhshme fermerët të cilët dërgojnë qumështin në kompaninë “Vita” do ta mbajnë qumështin në shtëpi.

Pra nga data 21 shtator, sasitë e mëdha të qumështit nuk do të shkojnë në kompaninë e Devollëvë, shkruan Gazeta Infokus.

Kështu është bërë e ditur në vendimin e siguruara nga Gazeta Infokus që iu është dërguar prodhuesve të qumështit.

“Të nderuar bashkëpunëtor të kompanisë “Vita” me keqardhje ju njoftojmë që nga data 21.09.2020 Qumështorja “Vita” nuk ka mundësi të bëjë pranimin e qumështit të freskët për përpunim të mëtutjeshme” kjo është letra që iu është përcjellë fermerëve.

E në këtë vendim thuhet se arsyeja e kësaj ndërprerjes është situata e krijuar nga pandemia koronavirus, ku në stoqet e tyre janë deri 3 milion litra qumësht.
Sasia e cila sipas tyre iu mjafton deri në fund të viti, raporton Gazeta Infokus.

E fati i prodhueseve të qumështit do të mbetët në duar të Qeverisë.

Kjo pasi që Devollët po presin që shteti t iu ndihmojë këtyre fermërve.

“Nëse nuk merren masa të shpejta nga Qeveria ne do të jemi të detyruar të përmbahemi këtij njoftimi për ndërprejen e furnizimit.Jemi të vetëdijshëm që ky vendim do të shkaktoj telash të mëdha të dyja palëve dhe do të pasojat do te kemi ne të ardhmën”, bëhet e ditur në këtë letër.

Derisa Devollet në një përgjigje për Gazetën Infokus, ka thënë që nga 1 shtatori kanë filluar që të grumbullojnë vetëm 50% të sasive.

“Për momentin nga fermerët është duke u pranuar qumështi, kufizim kan pikat grumbulluese me 50 % të sasive të dorëzuara mesatare dhe atë nga 1 Shtatori 2020.
Arsyeja e mospranimit të qumështit është krijimi i stoqeve të produkteve të gatëshme veqnarisht të qumshtit UHT.Stoqet janë krijuar nga ndikimi i Pandemis Covid-19 si dhe prania e së paku 10 inportuesve të qumshtit UHT si dhe produkteve të fermentuara nga qumështi.”, ka thënë Drejtori Ekzektuive, Fatmir Pula.

Ai në përgjigjet e dërguar për Infokus ka thënë se për situaten janë njoftuar Ministria e Tregtisë dhe Industris ajo e Bujqësis dhe nese nuk miren masa urgjente jemi të detyruar të ndërpremë furnizimin nga Pikat Grumbulluese.
“Vazhdimi i prodhimit në këto rrethana është i pa mundur.Ndërprerja e furnizimit do shkaktoi telashe të mëdha dy palëve dhe pasojat që do kemi në të ardhmen.Sasia mesatare mujore e pranimit të qumshtit të freskët është 2 milion litra.”, ka deklaruar ai.

Tash e disa ditë për shkak të sasive të mbetura fermerët janë duke derdhur sasitë e qumështit nëpër me lumenjtë e Kosovës.

E fermerët e Qumështit i ishin drejtuar, kryeministrit Avdullah Hoti me një letër ku kërkohej që në Kosovë të mos importohej sasit e vajit të palmës.

“Ne tashë e sa vite e kemi bërë të qartë se problemi kryesor i tepricave te Qumështit është importi i jashtëligjshem i produkteve me vaj palme e të cilat duke mashtruar konsumatoret vendore shiten si produkte të “Qumështit” thuhej në letrën e tyre.

Mandje ata kishin kërcënuar se me datë 14 shtator do të organizonin protestë të shoqëruar me derdhjen e 50-60 tonë qumështit në raste të mos plotësim të kërkesë së tyre.
E për këtë protestë ata si duket i ranë pishman, pasi një gjë e tillë nuk u mbajt./Gazeta Infokus/