Lajme

Detajet e aksidentit të rëndë në Rahovec, vdiq 66-vjeçari

Autori: Gazeta inFokus 16:27 | 25 July 2022

Një 66-vjeçar ka vdekur si pasojë e plagëve të pësuara nga një aksident i rëndë trafiku në rrugën Rahovec – Xërxë.

Viktima është një person me inicialet R.K., ka bërë të ditur Policia e Kosovës.

“Si pasojë e aksidentit, përveç dëmeve materiale një person, R.K mashkull/kosovar i lindur në vitin 1956 ka ndërruar jetë, vdekjen e tij e ka konfirmuar personeli mjekësor në Qendrën e Mjekësisë Familjare në Rahovec”, ka thënë policia.

Në Aksident trafiku po ashtu lëndime të lehta trupore ka pësuar edhe një person i moshës 68-vjeçare, i cili pas trajtimit mjekësor është shoqëruar në Polici.

Lidhur me rastin është njoftuar edhe Prokurori i Shtetit i cili po ashtu ka dalë në vendin e ngjarjes.

Me vendimin e prokurorit, personi i shoqëruar në polici është ndalur në mbajtje.

Të tjera