Lajme

Detaje tjera tronditëse: 8 vjeçari erdhi për pushime te daja i tij në Prizren, ai e përdhunoi

Autori: Gazeta inFokus 09:18 | 26 November 2021

Një tjetër rast përdhunimi ka tronditur këtë herë Beratin, ku daja ka abuzuar seksualisht ndaj nipit të tij vetëm 8 vjeç.

Ka qenë vetë fëmija, që i shoqëruar nga nëna e tij ka mbërritur në Drejtorinë e Policisë Berat 2 javë më parë dhe në prani të oficerit të policisë gjyqësore e psikologëve ka deklaruar se daja e ka përdhunuar.

Sipas fëmijës, abuzimi ka ndodhur rreth një muaj më parë në shtëpinë e dajës në Prizren, ku kishte shkuar disa ditë me nënën për pushime. Pas denoncimit, policia njofton se është kryer vizita mjeko-ligjore e të miturit, që konfirmon përdhunimin.

-Advertisement-

B. K u shpall në kërkim nga policia. Duke mos qenë në dijeni të denoncimit, ai ishte nisur sot për në Shqipëri, për të takuar motrën që prej vitesh është martuar në Berat dhe jeton me bashkëshortin dhe djalin 8-vjeç.

45-vjeçari, të cilit i ishte caktuar masa e sigurisë “arrest me burg” në mungesë u ndalua këtë të enjte.

Burime pranë hetimit bëjnë me dije se daja e fëmijës ka filluar afrimitetin me të rreth 1-vit më parë, kur për shkak të një konflikti pronësie që motra kishte me komshiun e saj, ai qëndronte shpesh aty.

Konflikti i motrës me komshiun në muajin gusht 2020 degjeneroi atëherë deri në ushtrimin e dhunës mes dy palëve. Kosovari u dënua asokohe me 4-muaj burg pasi u akuzua për plagosjen me mjete të forta të djalit të komshiut që zihej me familjen e motrës.

Pika kufitare e Morinës ishte njoftuar për kalimin e tij ditën e sotme, pasi ka qënë pikërisht motra e tij ajo që ka referuar në polici se vëllai i saj do të vinte në vendin tonë./top channel

Subscribe në YouTube: GAZETA INFOKUSI