Lajme

Detaje të reja për aksidentin fatal

Autori: Gazeta inFokus 12:00 | 28 July 2017

I mbijetuari i aksidentit tragjik i cili ndodhi tek rrethrrotullimi në Lakrishte, Prishtine, është i moshës 17 vjeçare, njofton Klan Kosova.

Ai aktualisht është duke marrë tretmanin e nevojshëm në QKUK, ku edhe kanë bërë të ditur që gjendja e tij është stabile, megjithatë 17 vjeçari ka pësuar lëndime të rënda këtu duke përfshirë brinjë të thyer dhe gjakderdhje në mushkëri.

Ndërsa katër personat e vdekur, janë dy meshkuj të moshës 53 vjeçare, një femër 50 vjeçare dhe një tjetër 47 vjeçare, ka konfirmuar për Klan Kosovës, Zëdhënësi i Policisë, Bajram Krasniqi.

-Advertisement-

Kjo familje ishte duke udhëtuar nga Mitrovica në drejtim të Ferizajt, ndërsa makina është me targa të Gjermanisë.

Njësia e Hetimeve Regjionale janë duke kryer hetimet e nevojshme dhe gjatë ditës do të bëhen të ditur edhe shkaktarët e aksidentit.