Lajme

Detaje të reja nga ngjarja që tronditi Pejën: 15 vjeçari dhe 17 vjeçari e therën me thikë 60 vjeçarin

Autori: Gazeta inFokus 23:25 | 07 May 2021

60 vjeçari, Shefqet Makshana, u vra sot në Vitomiricë të Pejës.Ai nuk arriti t’iu mbijetojë therjeve më thikë, të cilat dyshohet që ia shkaktuan dy të mitur, njëri 15 vjeçar dhe tjetri 17 vjeçar, fqinjë të familjes.

Megjithatë, vëllai i viktimës thotë se nuk e di motivin e ngjarjes. Andaj, familja Makshana po shqyrton edhe mundësinë e hakmarrjes ndaj familjes Qazimaj.

Por, nga familja Qazimaj, babai i të miturve tha se i ndjeri përveç që i kishte ngacmuar, fyer e sharë gjithmonë atë dhe familjen nuk ja ktheu kurrë borxhin prej 8,300 eurosh, që duhej të ia jepte pasi ky ia rregulloi shtëpinë.

-Advertisement-

Nga familja Qazimaj gjithashtu thanë se ju vjen keq për atë që ndodhi, por deklaruan se edhe sot djemtë e familjes ishin duke shkuar në shkollë kur i ndjeri u kishte zënë rrugën dhe i kishte kapur për fyti ata.Zënkë deri në rrahje fizike kishte pasur edhe para dy vjetëve mes këtyre familjeve ku shkak ishte një kabllo e energjisë elektrike.

Por gjitha këto probleme e edhe atë se çka shtyu në vrasjen e 60 vjeçarit po i heton policia.

Zëdhënësi i policisë për rajonin e Pejës, Fadil Gashi tha se ndaj të dyshuarve është caktuar masa e paraburgimit dhe të njëjtit pritet të dalin para trupit gjykues të shtunën.

Subscribe në YouTube: GAZETA INFOKUSI

Të tjera

Fokusi

lajme