Lajme

Detaje të reja nga aksidenti në autostradën “Ibrahim Rugova” ku mbeti e vdekur një vajzë

Autori: Gazeta inFokus 17:53 | 18 August 2019

Një aksident i rëndë trafiku ka ndodhur mëngjesin e sotëm në autostradën “Ibrahim Rugova”, në afërsi të Suharekës. Nga ky aksident një person ka humbur jetën ndërkaq tre të tjerë kanë mbetur të lënduar. Në spitalin e Prizrenit po trajtohen tre familjarët të cilët i mbijetuan këtij aksidenti

Mëngjesi i sotëm ishte tragjik për familjen nga Kumanova e cila u aksidentua në Kosovë. Një vajzë rreth moshës 18-vjeçare vdiq në vendin e ngjarjes, ndërkaq tre persona tjerë mbetën të lënduar.

Afrim Jahaj, Drejtor kujdestar në spitalin e Prizrenit ka thënë se gjendja shëndetësore e të lënduarve është jashtë rrezikut për jetë.

-Advertisement-

“Viktima vajzë e moshës rreth 18-vjeçare ka vdekur në vendin e ngjarjes. Tre persona janë të shtrirë në spital, një grua dhe dy djem, Njëri prej të lënduarve i është nënshtruar një operacioni ortopedik, ndërkaq dy të tjerë janë duke u trajtuar në qendrën emergjente të spitalit të Prizrenit”, ka thënë Jahaj.

Viktima e moshës rreth 18-vjeçare ka ndërruar jetë në vendin e ngjarjes”, ka thënë Jahaj.

Lajmin për Express sot e ka konfirmuar edhe Zëdhënësi i Policisë së Kosovës, Daut Hoxha, i cili ka dhënë detaje rreth aksidentit.

“Bazuar ne informacionet e para është raportuar për një aksident të rëndë Trafiku me pasoja fatale, të shkaktuar sot rreth orës 10:00 paradite në Autostradën “Ibrahim Rugova” ku një person ka humbur jetën dhe 4 tjerë kanë marrë lëndime trupore. Njësitet kompetente policore për menaxhimin e trafikut në autostrada janë duke u marrë me rastin dhe duke hetuar shkaqet dhe rrethanat se si ka ardhë deri te ky aksident tragjik. Rreth orës 10:30 autostrada drejtimi Duhël-Suharekë është bllokuar për qarkullim”, ka theksuar Hoxha.

Subscribe në YouTube: GAZETA INFOKUSI

Të tjera

Fokusi

lajme