Detaje të reja: 23 vjeçarja e gjetur e vd*ekur në autostradë kishte kërkuar nga shteti status të veçantë, mbrojtje ndërkombëtare
Autori: Gazeta inFokus 19:19 | 23 February 2024
Viktima 23 vjeçare, me iniciale O.K., me shtetësi nga Ukraina e cila u gjet e vd*ekur dy ditë me parë në autostradën Prishtinë-Ferizaj kishte kërkuar nga shteti i Kosovës, t’i njihet statusi i veçantë qe nënkupton mbrojtje ndërkombëtare.
Një kërkesë të tillë në Ministrinë e Punëve të Brendshme (MPB), siç mëson Gazeta Infokus ukrainasja e kishte bërë përmes zyrës së Kombeve të Bashkuara për Refugjat “UNHCR”, në Ministrinë e Punëve të Brendshme të Kosovës përkatësisht në Departamentin për Shtetësi, Azil dhe Migrim.
Kjo kërkesë ishte bërë MPB-së rreth një vit me parë, siç kanë bërë të ditur burime të Gazetës Infokus nga kjo organizatë.
UNHCR nga institucionet e shtetit të Kosovës po ashtu kishte kërkuar që e njëjta të intervistohet dhe të hetohet nëse është viktimë e trafikimit ose kontrabandat.
Përveç që ishte dhënë statusi i qëndrimit qe njihet si azil nga departamenti për të huaj në kuadër të MPB-së, institucionet e Kosovës nuk kishin bërë asnjë hap tjetër.
Sipas burimeve, viktima 23 vjeçe as nuk ishte hetuar e as nuk i ishte njohur statusi i veçantë, që nënkupton mbrojtje ndërkombëtare.
Kërkesa tashmë e viktimës, siç kanë bërë të ditur të njëjtat burime ka qenë me arsyetimin së është e rrezikuar. E një kërkesë të tillë e kishte bërë prej kur ka arritur në Kosovë.
Tani burimet thonë se institucionet e Kosovës janë duke e trajtuar rastin e vdekjes së saj në mënyrë intensive.
Në këtë drejtim, ukrainases i është gjetur telefoni, është lokalizuar vendi ku ishte duke jetuar me qira si dhe disa gjësende të tjera.
E njëjta në kohën kur ishte gjetur e vdekur në autostradë nuk posedonte telefonin e saj e asnjë gjësend tjetër.
Telefoni, disa para dhe materiale të tjera janë gjetur në një banesë në Prishtinë ku ajo po jetonte gjatë një kontrolle të kryer nga Policia.
Në bazë të informacioneve në momentin kur është gjetur pa shenja jete, në dosjen e ekzaminimeve deri më tani figuron se kishte këmbën e thyer dhe disa lëndime në fytyrë, të cilat dyshohet se janë shkaktuar pas një goditjeje për të cilën burimet pretendojnë se është bërë nga një automjet.
Burimet thonë se në vendin ku është gjetur trupi nuk ka qenë vend i banueshëm apo i frekuentueshëm prej këmbësorëve.
Prokuroria e Ferizajt më 22.02.2024 ka njoftuar se është duke u hetuar rasti i shtetases ukrainase me iniciale O.K., e cila është gjetur e vdekur në autostradën Ferizaj-Prishtinë, më 21.02.2024.
“Hetuesit Rajonal të Policisë së Kosovës në koordinim me Prokurorin e Shtetit kanë dalë në vendin e ngjarjes dhe nga ekipi mjekësor është konstatuar vdekja e saj. Prokuroria me të gjitha institucionet tjera relevante janë duke punuar për zbardhjen e rrethanave të kësaj vdekjeje, dhe rasti është duke u hetuar në drejtim të veprës penale “Aksident trafiku” me fatalitet” – thuhet në njoftimin e Prokurorisë./Gazeta Infokus/
Të tjera
-
Konjufca: Kosova meriton dhe duhet të anëtarësohet pa kushtëzime shtesë në KiE
Në rastin e shënimit të 9 Majit, Ditës së Evropës, kryetari i Kuvendit Glauk ...
-
Takohen O’Brien, Escobar dhe Lajçak, i koordinojnë strategjitë për Kosovën e Serbinë
Asistent Sekretari i Departamentit të Shtetit, Jim O’Brien, ka pritur sot në ...
-
Osmani: Kosova storie suksesi e mbështetjes së SHBA-së, Serbia po punon kundrejt gjithçkaje
Presidentja e Kosovës, Vjosa Osmani, thotë se pati një diskutim përmbajtësor ...
-
Me tupana dhe flamuj, VLEN festë të madhe edhe në Tetovë
Me tupana dhe flamuj, VLEN feston edhe në Tetovë rezultatin zgjedhor për zgj...
-
Këto janë rezultatet nga numërimi i më shumë se gjysmës së votave në zgjedhjet kuvendare në Maqedoninë e Veriut
Komisioni Shtetëror i Zgjedhjeve ka filluar me publikimin e rezultateve të pa...
-
Zyra e BE-së në Kosovë shpall “Evropianin e vitit”
Zyra e Bashkimit Evropian në Kosovë për vitin e nëntë radhazi ka ndarë çmimin...
-
Presidencialet në RMV: Siljanovska Davkova po prin ndaj Pendarovskit
Kandidatja për presidente në Republikën e Maqedonisë së Veriut, Gordana Silja...
-
BDI shpall fitoren në Tetovë
Sot në Maqedoninë e Veriut, janë mbajtur dy procese zgjedhore. Është zhvil...
-
Holtgen: Kosova nuk është në rendin e ditës së Këshillit të Ministrave të KiE
“Çështja e Kosovës nuk është në agjendën e Këshillit të Ministrave javën e ar...
-
KSHZ: Zgjedhjet ishin korrekte, rezultatet e para do të shpallen para mesnate
Komisionit Shtetëror të Zgjedhjeve në konferencën e fundit për media ka njoft...
-
Katër të lënduar në një aksident mes një veture dhe një autobusi në rrugën Fushë Kosovë-Prishtinë
Katër persona janë lënduar në një aksident trafiku të ndodhur mes një veture ...
-
Asociacioni – pritë në rrugën e Kosovës drejt KiE-së
Për t’i mbështetur përpjekjet e Kosovës për anëtarësim në Këshillin e Evropës...