Lajme

Detaje lidhur me arrestimin e dy zyrtarëve policorë në Fushë-Kosovë

Autori: Gazeta inFokus 22:59 | 19 June 2022

Dy ditë më parë, Prokuroria Themelore e Prishtinës në bashkëpunim me Inspektoratin Policor të Kosovës, kanë arrestuar dy zyrtarë policorë për keqtrajtim të një qytetari gjatë ushtrimit të detyrës.

Ndaj dy zyrtarëve policorë, Prokuroria ka kërkuar caktimin e masës së paraburgimit. Fillimisht policët ndalën për thyerje të rregullave në trafik një qytetar në komunën e Fushë Kosovës.

Por, shqiptimin e gjobës për kundërvajtje, ata ia bën në stacionin policor në këtë komunë.

-Advertisement-

Pasi kishte arritur në stacion, të dëmtuarin e kishin vendosur në një zyrë dhe gjatë përpilimit të fletë-kundërvajtës, të pandehurit fillimisht e kishin fyer e pastaj të njëjtin edhe e kanë sulmuar fizikisht.

Sipas, Inspektoratit Policor të Kosovës, ka bazë për këto akuza.

“Përmes linjës së kaltër të IPK-së , kanë pranuar një informacion që një qytetar është ankuar për tejkalim të përdorim të forcës nga dy zyrtar. Këta zyrtarë policorë janë arrestuar nga hetuesit e IPK-së, me dyshimin se të njëjtit kanë kryer veprën penale keqtrajtim të detyrës zyrtare”, ka thënë Arbër Beka, zëdhënës i IPK-së.

Për ta, Prokuroria ka kërkuar masën e paraburgimit.

“Fillimisht e kanë fyer, e më pas edhe e kanë sulmuar, prokurori i shtetit ka kërkuar caktimin e masës së paraburgimit për dy të pandehurit në gjykata përcaktuese”, është shprehur Laureta Ulaj, zëdhënëse e Prokurorisë Themelore në Prishtinë.

E pas 48 orësh në paraburgim, Gjykata Themelore në Prishtine, dy zyrtarëve policorë i ka caktuar masën e arrestit shtëpiak.

Ky nuk është rasti i vetëm kur zyrtarët policorë kanë përdorur dhunë gjatë ushtrimit të detyrës zyrtare ose autorizimeve publike.

Së fundmi, me 14 maj, Gjykata Themelore në Ferizaj ka dënuar me dy vjet e gjysmë burgim, tre zyrtarë policorë për keqtrajtim gjatë detyrës.

Subscribe në YouTube: GAZETA INFOKUSI

Të tjera

Fokusi

lajme