Lajme

Dështon zgjedhja e një anëtari të Komisionit të Pavarur të Medias

Autori: Gazeta inFokus 11:58 | 22 June 2022

Në Kuvendin e Kosovës deputetët kanë votuar për zgjedhjen e një anëtareje të Komisionit të Pavarur të Medias.

Duke qenë se pjesë e votimit ishin dy kandidate të cilat morën më së shumti pikë në procesin e përzgjedhjes, ky proces i votimit në Kuvend ka dështuar pasi, Violeta Hyseni-Kelmendi mori 20 vota ndërsa kandidatja tjetër, Teuta Hoxha-Morina mori 29 vota.

“Në seancën plenare të Kuvendi, procesi për përzgjedhjen e një anëtari të Komisionit të Pavarur të Medias dështon. Votat e fituara për kandidatët, Violeta Hyseni-Kelmendi mori 20 vota ndërsa Teuta Hoxha-Morina 29 vota”, ka thënë Ganimete Musliu që ishte edhe pjesë e komisionit për përzgjedhjen e anëtarit të KPM-së.

Derisa ajo ka shtuar se është për të ardhur keq që nuk u bë përzgjedhja duke qenë se të dy kandidatet ishin të shkëlqyeshme.

“Me keqardhje e them që do të bëhet sërish konkursi dhe që ky dështoj sepse të dy kandidatet ishin fantastike por në këtë Kuvend po ndodhin edhe këto gjëra që deputetët po bien pre e këtyre dështimeve”, ka shtuar ajo.

Kujtojmë që Gazeta Infokus ka raportuar se kandidatja e cila sot mori 29 vota në Kuvend, Teuta Hoxha-Morina nuk plotësonte kushtet e parapara me ligj për zgjedhjen e anëtareve të KPM-së.

Kjo duke qenë se ligji nuk e parasheh që pjesë e komisionit të jenë anëtarë nga fusha e arsimit./Gazeta Infokus/

Kuvendi të hënën voton për anëtare të KPM-së kandidaten nga fusha e arsimit që nuk parashikohet me ligj

Të tjera