Lajme

Dështon mbledhja e Kryesisë, Tahiri: Pas rezultatit të fundit zgjedhor, mazhoranca nuk ka shumë vullnet me qenë në Kuvend

Autori: Gazeta inFokus 11:35 | 26 October 2021

Shefi i Grupit Parlamentar të Partisë Demokratike të Kosovës, Abelard Tahiri, është deklaruar pas mbledhjes së Kryesisë së Kuvendit.

Ai tha se nuk janë arritur që ta caktojnë seancën e radhës të Kuvendit të Kosovës, pasi sipas tij në mbledhje të Kryesisë mungoi pozita.

“Sot është paraparë që të kemi mbledhje të Kryesisë dhe ta thërrasim seancën e radhës. Siç duket pas rezultatit të fundit zgjedhor, mazhoranca nuk ka shumë vullnet me qenë në Kuvend dhe nuk ka vullnet me e shty agjendën parlamentare përpara. Megjithatë ne u bëjmë thirrje që të vijnë sepse e kanë obligim ligjor e kushtetues që të jenë prezent”, ka thënë ai.

-Advertisement-

Më tutje, Tahiri foli edhe për një ndër pikat që është pjesë e rendit të ditës të kësaj seance të Kuvendit.

“Në seancën e radhës një prej çështjeve më të rëndësishme që kemi pasur për ta diskutuar janë dy vendet vakante në Gjykatën Kushtetuese. Me mungesën e një gjyqtari, gjykata nuk ka kuorum”, ka thënë ai.

Subscribe në YouTube: GAZETA INFOKUSI