Lajme

Dështon mbledhja e Kryesisë së Kuvendit

Autori: Gazeta inFokus 13:13 | 26 June 2023

Ka dështuar të mbahet mbledhja e Kryesisë së Kuvendit pasi nuk ishte kuorumi i mjaftueshëm.

Kështu ka bërë të ditur, shefi i Grupit Parlamentar të AAK-së, Besnik Tahiri para mediave.

Ai ka thënë se u diskutua për mbajtjen e një seancë të Kuvendit por që nuk u arrit të caktohej për mungesë kuorumi.

-Advertisement-

Deputeti Tahiri tutje ka folur edhe për lirimin e tre policëve nga Serbia që po mbaheshin në paraburgim.

Ai ka thënë se është i kënaqur me lirimin e tyre dhe ka falënderuar ShBA-në dhe BE-në.

“Nuk mbajtëm mbledhje e Kryesisë se nuk patëm kuorum, u diskutua për një seancë, por nuk dihet se kur do të mbahet për shkak të mungesës së kuorumit. Shpreh kënaqësinë time që policët janë kthyer në familjet e tyre. Kidnapimi i tyre ka qenë një akt i shëmtuar që ka pasur qëllim dëmtimin e Kosovës. Fal ShBA dhe vendeve të BE-së ky lirim ka ndodhur”, ka thënë Tahiri.

Tahiri ka kritikuar Qeverinë e udhëhequr nga kryeministri, Albin Kurti, duke thënë se ka dështuar në agjendën legjislative dhe në cdo aspekt tjetër.

“Për në si AAK është brengosëse puna e Qeverisë ka një dështim në qeverisje, është duke e dobësuar Kosovën në çdo moment. Jemi në fund të muajit qershor agjenda vazhdon që të jetë më e dobëta në Kosovë. Ka dështim në agjendën legjislative. Ajo që dua të them është se edhe viti 2023 është vit i humbur dhe i dështuar në çdo aspekt. Mëngjisi i situatës së veriut është totalisht i gabuar. Kryetari të vetmin aktivitet që e ka është shikim nga dritarja, ky nuk është faji i tij, por i Kurtit. Policët e Kosovës sot e 5 muaj nuk kanë marr shtesat e rrezikshmërisë”, u shpreh Tahiri i AAK-së.

Subscribe në YouTube: GAZETA INFOKUSI
Etiketa:
-Advertisement-

Të tjera

Fokusi

lajme