Dështon gjykimi për rastin “Toka”
![](https://gazetainfokus.com/wp-content/uploads/2023/01/pallati-i-drejtesise-1-600x360-1.jpg)
Autori: Gazeta inFokus
11:58 | 18 January 2023
Në Gjykatën Themelore në Prishtinë, ka dështuar të mbahet seanca e paraparë për të mërkurën në rastin e njohur “Toka”, për shkak se i akuzuari Shaban Syla, do t’i nënshtrohet një kontrolle mjekësore.
Një gjë të tillë, e ka konstatuar kryetari i trupit gjykues, gjykatësi Arben Hoti, raporton “Betimi për Drejtësi”.
Sipas tij, në gjykatë ka arritur një kërkesë nga i akuzuari Shaban Syla, përmes mbrojtjes së tij, për vizitat mjekësore të cilat janë caktuar të realizohen më 13 dhe 18 janar 2023.
Tutje, gjykatësi Hoti e ka bërë të ditur se gjykata i ka lejuar këto kontrolle mjekësore më 13 dhjetor 2022.
Po ashtu, i njëjti tha se ky është rekomandimi i mjekut dhe se mbrojtja e tij i ka bashkëngjitur provat në lidhje me këtë.
“Seanca e sotme shtyhet për arsye objektive të kontrollit mjekësor”, ka konstatuar në fund gjykatësi Hoti.
Kurse, seanca e radhës pritet të mbahet më 20 janar 2023.
Ndryshe, më 17 nëntor 2022 është bërë veçimi i procedurës për të akuzuarin F.G, pasi që për të njëjtin ishte caktuar të përpilohej një ekspertizë psikiatrike dhe eksperti kishte konstatuar se ai nuk është në gjendje të përcjellë shqyrtimin gjyqësor.
Në seancën e 10 qershorit 2022, Azem Syla dhe të tjerët janë deklaruar të pafajshëm lidhur me veprat penale që iu vihen në barrë.
Në këtë rast, F.G, ish-deputeti i PDK-së, Azem Syla dhe të tjerët nga viti 2016 po akuzohen për vepra të ndryshme penale që lidhen me korrupsionin e krimin e organizuar.
Fillimisht në këtë rast kanë qenë 22 të akuzuar, ku për N.U., dhe Sh.M., është pushuar procedura pasi ata kanë ndërruar jetë, ndërsa për shkak se gjykata nuk ka arritur të sigurojë prezencën e Ilaz Sylës, Mustafë Halitit dhe Hajrullah Berishës, për të njëjtit është veçuar procedura.
Gjykatësi më pas ka bashkuar procedurën penale ndaj Ilaz Sylës, i cili ka qenë i akuzuar në këtë rast.
Po ashtu, ka bashkuar procedurën edhe ndaj tani të akuzuarit Vidosav Novakovic, duke thënë se në këtë çështje penale do të merret një aktgjykim meqenëse sipas tij, janë provat të ndërlidhura dhe rasti është i njëjtë.
Ndryshe, kjo lëndë fillimisht gjykohej nga gjykatësi Beqir Kalludra dhe pasi që gjykimi ishte afër përfundimit të tij, avancimi i gjyqtarit Kalludra kishte ndikuar që kjo lëndë të mbetej pa u përfunduar.
Gjykata Themelore në Prishtinë këtë lëndë më pas ia kishte ndarë në punë gjykatëses Shpresa Hasaj-Hyseni, e cila nuk kishte mbajtur asnjë seancë.
Por, edhe pasi rasti ishte pothuajse në përfundim, kur gjykohej nga gjykatësi Kalludra, i njëjti duhet të nis përsëri. Kjo pasi neni 311, paragrafi 3 i Kodit të Procedurës Penale përcakton se: “kur shtyrja ka zgjatur më shumë se tre (3) muaj ose kur shqyrtimi gjyqësor mbahet para një kryetari tjetër të trupit gjykues, shqyrtimi gjyqësor duhet të fillojë rishtas dhe përsëri të shqyrtohen të gjitha provat”.
Duke u bazuar në Kodin e Procedurës Penale, të gjitha dëshmitë e dëshmitarëve, të akuzuarve dhe provave të tjera që janë shqyrtuar nga gjykatësi Kalludra, duhet që të shqyrtohen edhe njëherë nga fillimi nga kryetari i ri i trupit gjykues, Arben Hoti.
Ndryshe, ky shqyrtim nga fillimi i gjykimit është karakterizuar me zvarritje, në masën më të madhe, në kohën që gjykohej nga gjykatësit e EULEX-it.
Prokuroria Speciale e Republikës së Kosovës (PSRK), ka ngritur dy aktakuza, njëra me 17 persona dhe tjetra me 22 persona, ku në këtë të fundit, që ishte ngritur më 24 tetor 2016 përfshihet edhe ish-deputeti i PDK-së Azem Syla, që sipas PSRK-së, ai kishte qenë edhe udhëheqës i këtij grupi.
Bashkë me Sylën, në këtë proces janë duke u gjykuar edhe Shaban Syla, Arton Vila, F.G, Shpresim Uka, Ramadan Uka, Avdurrahman Brajshori, Gazmend Gashi, Lubisha Vujoviq, Sabedin Haxhiu, Avni Maxhuni, Elhame Uka, Lumnije Sopjani, Nyrtene Brajshori, Sami Maqedonci, Ndue Palushi dhe Ramadan Mavraj.
Pjesë e kësaj aktakuze kanë qenë edhe N.U., Sh.M., Ilaz Syla, Mustafë Haliti dhe Hajrullah Berisha, por për dy të parët është pushuar procedura pasi ata kanë ndërruar jetë, ndërsa për shkak se gjykata nuk ka arritur të siguroi prezencën e Ilaz Sylës, Mustafë Halitit dhe Hajrullah Berishës, për të njëjtit është veçuar procedura.
Por, gjykatësi Hoti, jashtë seancës ka bashkuar procedurën për të akuzuarin Ilaz Syla dhe Vidosav Novakovic, ku për këtë të fundit ka thënë se provat janë të ndërlidhura dhe rasti është i njëjtë.
Aktakuza i ngarkon të pandehurit me vepra penale “krim i organizuar”, “pastrim i parave”, “marrje të mitos”, “mashtrim i rëndë”, “mashtrim në detyrë”, “nxjerrje të vendimeve gjyqësore të kundërligjshme”, “keqpërdorim i pozitës zyrtare”, “legalizimi i përmbajtjes së falsifikuar” dhe “evazion fiskal”.
Gjithashtu, të pandehurit akuzohen se në bashkëpunim, përmes veprimtarive kriminale i kanë privuar Kosovës pronat shoqërore, duke përfshirë falsifikimin e vendimeve dhe dokumenteve zyrtare, mashtrim dhe veprime tjera korruptive.
Hetimet në këtë rast ishin bërë edhe në bashkëpunim me Prokurorinë e Lartë për Krim të Organizuar në Beograd.
![](https://gazetainfokus.com/wp-content/uploads/2024/10/Artikull-2-2048x10601-1.png)
Të tjera
-
Abdixhiku dhe ambasadori Hargreaves flasin për procesin zgjedhor
Kryetari i Lidhjes Demokratike të Kosovës, Lumir Abdixhiku, ka pritur në një ...
-
Parlamentit Evropian i kërkon BE-së heqjen e masave për Kosovën
Në draft-raportin e Parlamentit Evropian për Kosovën kërkohet heqja e masave ...
-
Kurti 120 mijë vota më pak se partia – larg Osmanit, Hamza mbi 135 mijë, Abdixhiku 95 mijë – sa u votuan liderët
Rreth 120 mijë vota më pak sesa Lëvizja Vetëvendosje si parti, ka marrë lider...
-
OVL-UÇK kërkon nga Specialja raport të qartë mbi gjendjen shëndetësore të ish-presidentit Thaçi
Organizata e Veteranëve të Luftës të Ushtrisë Çlirimtare të Kosovës kanë shpr...
-
Top-pesëshet e grave më të votuara në LVV, PDK dhe LDK sipas rezultateve të deritanishme
Komisioni Qendror i Zgjedhjeve (KQZ) po vazhdon procesin e numërimit të votav...
-
BILD: Italia po përgatitet për tërheqje të mundshme të trupave amerikane nga Kosova
Gazeta e njohur gjermane, “Bild”, raporton se, sipas informatave të saj, Ital...
-
Hykmete Bajrami siguron 20 mijë vota më shumë se në zgjedhjet e vitit 2021
Deputetja Hykmete Bajrami në listën e kandidatëve të LDK-së, ka bërë ngritje ...
-
Krasniqi takohet me Prattipatin: Vendi ka nevojë sa më shpejt për një qeveri të re e stabile
Kryetari i PDK-së, Memli Krasniqi, ka pritur sot në takim të Ngarkuarën me Pu...
-
BE-ja bie dakord për sanksione të reja kundër Rusisë
Ambasadorët e BE-së ranë dakord të mërkurën për një paketë të 16-të sanksione...
-
Kush është dhjetëshja më e votuar deri tani e LDK-së?
Sipas një liste të publikuar së fundmi të Lidhjes Demokratike të Kosovës, kre...
-
Gjykata konfirmon se ka pranuar kërkesën nga Prokuroria Speciale që ta urdhërojë Kurtin të paraqitet për intervesitim në prokurori
Prokuroria Speciale e Republikës së Kosovës (PSRK) ka dorëzuar në Gjykatën Th...
-
67 mijë vota më pak për Arben Vitinë, në 2021 ishte njeriu i tretë më i votuar në listën e LVV-së
Arben Vitia ka humbur rreth 67 mijë vota në krahasim me zgjedhjet parlamentar...