Lajme

Deri në orën 14:00 askush nuk ka votuar në Zveçan

Autori: Gazeta inFokus 15:00 | 21 April 2024

Qytetarët e Zveçanit nuk janë fare të interesuar për t’u bërë pjesë e procesit të votimit pro ose kundër shkarkimit të kryetarit.

Qytetarët e Zveçanit nuk janë fare të interesuar për t’u bërë pjesë e procesit të votimit pro ose kundër shkarkimit të kryetarit.

Deri në orën 14:00 në asnjë nga pesë qendrat e votimit në këtë komunë nuk ka votuar asnjë qytetar, raporton RTK. Në këtë komunë të drejtë vote kanë 7 mijë e 209 qytetarë. Të gjitha kutitë në pesë qendrat e votimit janë të zbrazta.

-Advertisement-

Ndërsa, kryetari i Komisionit Qendror të Zgjedhjeve, Kreshnik Radoniqi, ka njoftuar se deri në orën 11:00, në Leposaviq kanë votuar 46 persona, shtatë në Zubin-Potok dhe 32 në Mitrovicë të Veriut.

Për ta shkarkuar kryetarin duhen 50 për qind +1 e qytetarëve në listëve e votuesve të votojnë në favor të largimit të kryetarit. Por, nëse gjatë votimit nuk arrihet shifra prej 50 për qind, nisma konsiderohet se ka dështuar dhe, sipas udhëzimit administrativ, një iniciativë e njëjtë mund të ndërmerret vetëm pas 12 muajsh.

 

Subscribe në YouTube: GAZETA INFOKUSI
Nis bashkëpunimi serioz dhe strategjik midis Comodita dhe JYSK International

Të tjera

Fokusi

lajme