Deri në gjashtë orë pritje për shërbime specialistike në ambulancat e QKUK-së
![](https://gazetainfokus.com/wp-content/uploads/2023/12/pritje-600x3601-1.png)
Autori: Gazeta inFokus
09:30 | 09 December 2023
Pritjet e gjata për të marrë shërbime specialistike në ambulancat e Qendrës Klinike Universitare të Kosovës, janë bërë shumë të mundimshme për qytetarët.
Ata janë të obliguar të zgjohen herët dhe të presin me orë të tëra nëpër recepsione, dhe nëse kanë fat, kontrollohen.
Numri i madh i pacientëve në këto klinika, sipas drejtuesve në QKUK, ndodh për shkak të numrit të lartë të rasteve që referohen nga komunat e tjera të Kosovës.
Duke folur për Radion Evropa e Lirë, Hamit Hajdari nga Kaçaniku tregoi se ishte zgjuar në orën 05:00 të mëngjesit për të arritur i pari në njërën prej ambulancave specialistike të Qendrës Klinike Universitare të Kosovës në Prishtinë.
Për Hajdarin që udhëtoi rreth 60 kilometra, pritja ishte e gjatë dhe e mundimshme.
“Në orën 6:30 na kanë thënë të jemi këtu, për t’i marrë numrat. Me vite është ky sistem i punës kështu. Vjen pacienti pret, qe, siç e shihni edhe vetë. Kjo nuk është në rregull se është një pritje shumë e gjatë e panevojshme”, thotë Hajdari.
“Nëse arrin ta marrësh numrin herët, kryen punë i pari, nëse vjen me vonesë siç vijnë disa, mbetesh nga ora 6:00 deri në orën 12:00 të ditës”, thotë ai.
![Hamit Hajdari.](https://gdb.rferl.org/01000000-c0a8-0242-bf74-08dbf81eb5ce_w650_r0_s.jpg)
Pacientët duhet të jenë para orës 07:00 në ambulancën e QKUK-së.
Ata duhet ta zënë radhën, në të kundërtën mund të mbesin pa kryer kontrolle pasi që mjekët kanë një numër të caktuar të pacientëve që kontrollojnë brenda ndërrimit.
Pas orës 07:30, pjesëtarët e sigurimit i lejojnë pacientët të afrohen pranë sportelit për t’u regjistruar dhe për të marrë një numër – por sërish presin.
![Radha e pacientëve para sportelit, ndërsa një pjesëtar i sigurimit qëndron afër tyre.](https://gdb.rferl.org/01000000-0a00-0242-7243-08dbf821ed7d_w1597_r0_s.jpg)
Pacientët janë nga qytete të ndryshme të Kosovës.
Me numrin e lartë të pacientëve që referohen këtu, mjekët e kanë të caktuar kohëzgjatjen e një vizite – ajo mund të jetë nga 10 deri në 20 minuta.
Por, jo gjithmonë vijnë edhe mjekët.
“Jam zgjuar në orën 05:00, jam përgatitur. Deri në Malishevë kam ardhur… në Malishevë, në 6:10, e kam pasur autobusin dhe kam ardhur këtu, në orën 07:00, në Prishtinë. Kam pritur në radhë, e kam marrë numrin… numrin 6 e kam. Tash pres derisa të vijë mjeku. Besoj që një orë e gjysmë duhet të pres, dy, derisa të vijë mjeku”, tregon Idriz Sertolli, i cili kishte udhëtuar nga Malisheva, mbi 40 kilometra larg Prishtinës.
![Pacienti Idriz Sertolli.](https://gdb.rferl.org/01000000-0a00-0242-538f-08dbf821ed85_w650_r0_s.jpg)
Pritja vazhdon derisa mjekët apo drejtorët e klinikave i kryejnë vizitat e para në klinikat ku punojnë dhe më pas fillojnë punën në ordinancat specialistike.
“Kirurgjia plastike dhe stafi i mesëm, edhe mjekët, edhe këta jemi shumë të angazhuar gjatë vizitave ambulantore. Kemi dashur ta zvogëlojmë numrin, por meqenëse është numri i madh, atëherë jemi duke u munduar ta mbajmë standardin evropian, i cili është 17-18 pacientë ambulantorë. Ne kemi shkuar edhe në njëzet, me qëllim që ta rrisim, mirëpo po kemi raste që të hënën, na rritet numri [i pacientëve] deri në dyzet – ajo është e pamundshme. Për atë kemi pakënaqësi të palëve”, thotë për Radion Evropa e Lirë Agim Berisha, mjek i kirurgjisë plastike.
Drejtori i Shërbimit Spitalor Klinik dhe Universitar të Kosovës, Elvi Azizi, thotë se po punohet për lehtësimin e kontrolleve të pacientëve në ambulancat specialistike.
![Elvi Azizi, drejtor i përgjithshëm i Shërbimit Spitalor Klinik Universitar të Kosovës (SHSKUK)](https://gdb.rferl.org/01000000-c0a8-0242-5ab5-08dbf81eb5a7_w650_r0_s.jpg)
Ai thotë se shërbimet që ofrohen në ambulancat e QKUK-së, duhet të jepen edhe në spitalet rajonale.
“Për momentin, jemi duke punuar në dy drejtime. Drejtimi i parë është aspekti organizativ, që nënkupton organizimin e punës duke e ofruar një listë të shërbimeve të garantuara për secilin spital të përgjithshëm regjional, ku e përfshijmë edhe QKUK-në”, thotë Azizi.
Kjo, sipas tij, bëhet për t’i orientuar pacientët kah spitalet regjionale.
“Aspekti i dytë, me të cilin jemi duke u marrë, është aspekti teknik, që nënkupton digjitalizimin e shërbimeve, i cili do të na mundësojë një caktim më të mirë të terminëve për pacientët”, thotë Azizi.
Në total janë 22 ambulanca të klinikave të ndryshme spitalore të QKUK-së.
Gjatë një dite, aty marrin shërbime mbi një mijë pacientë.
Në mesin e tyre ishte edhe Hajdari që pas gati katër orësh arriti ta kryente kontrollin për të cilin kishte ardhur.
“Po, pas një pritjeje prej tri orësh e gjysmë, katër, arrita në fund ta kryej kontrollin. Është një pritje shumë e gjatë”, thotë ai.
![Pacientët mbajnë në duar raportet mjekësore.](https://gdb.rferl.org/01000000-c0a8-0242-2b9c-08dbf81ebe02_w1023_r0_s.jpg)
Se ka numër të madh të pacientëve në ambulanca specialistike në QKUK, e tregojnë edhe të dhënat zyrtare.
Nga muaji janar e deri më 20 nëntor, në këto klinika kanë marrë shërbime rreth 220 mijë pacientë.
![](https://gazetainfokus.com/wp-content/uploads/2024/03/1.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...