Lajme

Dërgohet projekt-rezuluta për shtesat e fëmijëve kosovarë

Autori: Gazeta inFokus 13:39 | 27 June 2018

Fëmijët kosovarë shpejtë mund të jetë përfitues të shtesave nga shteti.

E kjo pas një nisme të ndërmarrë nga deputetja e Kuvendit të Kosovës nga radhët e AAK-së, Donika Kadaj Bujupi.

Bujupi përmes një postimi në facebook ka shkruar se projekt-rezuluta është dorëzuar ndërsa i njëjti ishte premtim edhe i kryeministrit Haradinaj, shkruan GazetaFokus.

-Advertisement-

Më poshtë mund të gjeni të plotë statusin e Kadajt-Bujupit.

“Shtesa për çdo fëmijë në Republikën e Kosovës!

Sot, në emër të Grupit Parlamentar të Aleancës për Ardhmërinë e Kosovës dorëzova projekt-rezolutën për shtesat për të gjithë fëmijët e Republikës së Kosovës. Një nismë drejt dinamizimit të politikave familjare. Të bindur se kjo iniciativë do të mbështetet nga të gjithë deputetët; jo veç pse është premtim i Kryeministrit Haradinaj, por sepse ky parim i universalitetit dhe solidaritetit familjar në shtesat për fëmijë, sot është interes i përgjithshëm i Kosovës, dhe përtej kësaj e drejtë e pakontestueshme për këtë kategori.”, ka shkruar Kadaj.

Kryeministri i Kosovës, Ramush Haradinaj gjatë fushatës zgjedhore të 2017-ës ka premtuar shtesa për fëmijët kosovarë.

Ai madje pati marrë shembull shtetin fqinj, Maqedoninë.

“Nëse Maqedonia mundet me japë shtesa fëmijëve, 40 euro për fëmijë, 80 euro për fëmijën që ka vetëm një prind. Pse nuk na ka shkuar mendja deri sot, edhe neve, me ja nis dikun”, kishte thënë Haradinaj. Nëse nuk kanë mundur 40, kanë mujtë 20. Nëse s’kanë mujtë deri në moshën 18 vjeç, kanë mujtë bile deri në 7 vjeç”, kishte thënë Haradinaj./GazetaFokus

Subscribe në YouTube: GAZETA INFOKUSI