Sport

Derbi Madonnina, treni i fundit për Montellan

Autori: Gazeta inFokus 15:27 | 02 October 2017

Derbi della Madonnina është shansi i fundit për Montellan që ta ruajë vendin e punës.

Humbja 0:2 në “San Siro” nga Roma ia ka lëkundur karrigen trajnerit të Milanit, Vincenzo Montella.

Mediat italiane janë duke raportuar se Montella rrezikon të shkarkohet nëse humb kundër Interit në derbin della Madonnina.

Kuqezinjtë kanë humbur dy ndeshje me radhë në Serie A duke përfshirë edhe disfatën kundër Romës në shtëpi.

-Advertisement-

Rikthimi në Ligën e Kampionëve është synimi kryesor i Milanit që tani ka mbetur katër pikë prapa pozitës së katërt.

“Corriere dello Sport” beson se një tjetër humbje do të vinte në rrezik punën e Montellas, pasi Carlo Ancelotti i shkarkuar nga Bayern Munich vazhdon të jetë pa skuadër.

Sido që të jetë, drejtori sportiv i Milanit, Massimiliano Mirabelli, tha mbrëmë se Montella ka mbështetjen e klubit për të vazhduar me punën që po bën, që sipas tyre deri më tani mund të konsiderohet edhe pozitive duke parë grupin e ri të lojtarëve të afruar gjatë afatit kalimtar të verës. /Gazeta Express/

 

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

sport