Lajme

Deputetja Musliu shfaqet në gjendje të mire pas operacionit

Autori: Gazeta inFokus 23:42 | 16 Mars 2024

Deputetja e Partisë Demokratike të Kosovës, Ganimete Musliu po vazhdon rikuperimin pas një ndërhyrje në zemër muajin e kaluar.

Musliu duket të ketë rimarrë veten pas rreth një muaji që kur njoftoi se duhet t’i nënshtrohet një ndërhyrje kirurgjikale.

Në një foto që e ka postuar një bashkëvendës i saj nga Skenderaj, Musliu duket e qeshur dhe drejt rikuperimit të plotë.

-Advertisement-

Deputetja Musliu kishte njoftuar se ndërhyrjen kirurgjike e ka bërë në Gjermani. Ajo bëri të ditur se përkohësisht tërhiqet nga puna e saj e përditshme.

“Tani, me rekomandim të mjekëve kosovarë, më duhet t’i nënshtrohem një ndërhyrjeje kirurgjikale, e cila (për fat të keq) do të kryhet jashtë vendit, pasi që mjekëve në Kosovë, përkundër kompetencës së shkëlqyer profesionale, ende nuk u janë krijuar kushtet që ata i meritojnë. Sistemit shëndetësor të Kosovës realisht i mungojnë shumë gjëra përveç mjekëve, kështu që shpresoj që kjo gjendje të përmirësohet dhe askush të mos detyrohet t’i nënshtrohet procedurave të shërimit jashtë vendit”, kishte shkruar deputetja Musliu.