Lajme

Deputetja Krasniqi: Gërvalla i iku ballafaqimit, ndërkohë paguan 7.500 euro Gani Jakupin

Autori: Gazeta inFokus 13:44 | 24 November 2023

Deputetja e Lidhjes Demokratike të Kosovës, Rrezarta Krasniqi i ka reaguar ashpër ministres Donika Gërvalla lidhur me shpërfilljen e saj për raportim në Komisionin për Punë të Jashtme.

Gërvalla ishte sot e ftuar për të raportuar në komision por u largua nga aty pa u bërë një orë.

E sipas deputetes Krasniqi, kjo nuk është hera e parë që minstrja Gërvalla i ik përgjegjësisë.

-Advertisement-

“Ministrja Gërvalla edhe sot i iku ballafaqimit me të vërtetën në Komisionin Parlamentar për Diplomaci, me arsyetime që veç bazë nuk kanë dhe pikërisht atëherë kur pyetet për të bëmat e diplomacisë, sigurisht në dëm të shtetit sepse në dobi nuk ka pasur asgjë, as njohje të reja e as anëtarësime në organizata ndërkombëtare, ndërkohë që paguan Gani Jakupin si këshilltar me 7.500€ në muaj ose nëse e përllogarisim më mirë ai paguhet sa rreth 15 policë ose 75 pensionistë. Sa për dijeni të qytetarëve, znj. Gërvalla për shkak të dështimeve në diplomaci refuzon të vjen për raportim edhe në Komisionin Parlamentar për Integrim Evropian. Ky pushtet që nuk ka marre e as turp, po pasurohet me “shpejtësi të shpërndarjes së vajit në tepsi”, tha ajo.

Gërvalla ka komentuar sot pagën e shumëpërfolur të Gani Jakupi, që sipas saj është modeste.

Subscribe në YouTube: GAZETA INFOKUSI