Lajme

Deputetja e VV-së: Me Kurtin kryeministër, vendit i është kthyer dinjiteti

Autori: Gazeta inFokus 16:19 | 23 March 2020

Deputetja e VV-së, Fitore Pacolli, ka thurur lavdata për qeverinë Kurti. Ajo thotë se vendit i është kthyer dinjiteti dhe tani qytetarët paraqiten kokëlartë para botës.

Ajo thotë se Kurti po çmohet nga udhëheqës të ndryshëm të botës, ndërsa hedh akuza ndaj ish-krerëve të shtetit, çka i quan të paditur e të nënshtruar.

Postimi i plotë i saj:

-Advertisement-

Çdo ditë, Qeveria Kurti po prezanton një version tjetër të qeverisjes nga ato që kishim. Për herë të parë vendit i është kthyer dinjiteti. Kryeministri po çmohet e po vlerësohet nga shumë udhëheqës e deputetë të shteteve më të fuqishme evropiane e nga shumë akademik e profesorë nga universitete prestigjoze botërore.

U bë shumë kohë duke qëndruar kokëulur nga marrja. Udhëheqësit e vendit tonë ishin të paditur e të nënshtruar, që ndryshonin mendim vetëm sa për të përfituar për vete, të korruptuar e shumë lehtë të shantazhuar e edhe të akuzuar.

Tani qytetarët paraqiten kokëlartë para botës.

Tani kemi udhëheqës besnik, të ndershëm, të përpiktë e të mençur që qëllim të vetëm kanë mbrojtjen e interesave shtetërore.

Subscribe në YouTube: GAZETA INFOKUSI