Lajme

Deputetja e PDK-së: Lajm jo i mirë për Kosovën shtyrja e agjendës për vizat shkak i situatës në Veri

Autori: Gazeta inFokus 10:35 | 23 November 2022

Propozimi për liberalizimin e vizave për Kosovën sot është hequr nga agjenda e takimit të ambasadorëve të vendeve anëtare të Bashkimit Evropian. Diskutimi për këtë çështje do të mbahet më 30 nëntor. Presidenca çeke e BE-së ka thënë se arsyet për këtë janë politike dhe lidhen me situatën në veri të Kosovës.

Deputetja e PDK-së, Blerta Deliu i ka thënë Insajderit se Kosova i ka plotësuar të gjitha kriteret për liberalizim por duhet koordinim me aleatët, në mënyrë që most ë ketë zhvendosje të agjendës.

“Në raport me liberalizim Kosova i ka përmbushur të gjitha kriteret dhe çdo zhvendosje e agjendës për Kosovën nuk ka kuptim. Natyrisht që është shumë i rëndësishëm koordinimi me miq, si Parti Demokratike e Kosovës e kemi thënë që duhet të ketë në vazhdimësi koordinim me aleatët tanë, që mos të kemi zhvendosje të agjendës siç po ndodhë tash, se po e them padrejtësisht po bëhet”, ka deklaruar Deliu, e cila njëheri është edhe anëtare e Komisionit për Integrim.

-Advertisement-

Çështja e targave e pezullon votimin për propozimin e liberalizimit të vizave. A do të ketë zgjidhje deri në mesnatë?

Ajo ka theksuar se çështja e vizave nuk duhet të lidhet me asnjë proces tjetër, aq më pak me dialogun.

“Në fakt ne e kemi thënë vazhdimisht se ky proces është e pakuptimt me u lidh me çdo proces tjetër e veçanërisht me dialogun, edhe pse ka pas në vazhdimësi përpjeke që procesi në dialog të lidhet me agjendën e integrimit evropian por me liberalizimin e vizave është e pakuptimt. Sot është një lëvizje përtej asaj që kanë qenë deklarative. Nëse është zhvendos agjenda pikërisht për shkak të presioneve në veri nuk është lajm i mirë për Kosovën”, ka shtuar Deliu.

Subscribe në YouTube: GAZETA INFOKUSI
Oferta speciale deri në 70% dhe ekstra zbritje në dyshekët Comodita
-Advertisement-

Të tjera

Fokusi

lajme