Lajme

Deputetja e LVV-së: Qe tri javë po presim përgjigjen e Kushtetueses, s’besoj që po veprojmë jashtligjshëm me propozimin për votim të fshehtë

Autori: Gazeta inFokus 11:41 | 02 June 2025

Deputetja e Lëvizjes Vetëvendosje, Arbëreshë Kryeziu Hyseni theksoi se “janë bërë tri javë”, prej kur Gjykata Kushtetuese është pyetur lidhur me votimin e fshehtë, të propozuar nga LVV-ja për zgjedhjen e kryetarit të Kuvendit.

Ajo tha pas dështimit të sërishëm të seancës konstituive nuk beson se kanë vepruar “jashtligjshëm”.

“Ndërkohë që, më lejoni ta përmendi edhe një gjë shumë të rëndësishme: sot janë bërë tri javë që kur një grup i deputetëve të Kuvendit të Kosovës ka dërguar një kërkesë në Gjykatën Kushtetuese për të interpretuar pikërisht çështjen e procedurës së votimit të fshehtë, ndërkohë që ne mbesim ende sot pa një përgjigje prej Gjykatës Kushtetuese për atë se si duhet të vazhdojnë tutje deputetët e Kuvendit të Kosovës”, tha Kryeziu Hyseni.

-Advertisement-

“Nuk besoj që kemi bërë një veprim të jashtligjshëm. Megjithatë ne po presim përgjigjen e Gjykatës Kushtetuese për të na treguar se si do të vazhdojmë tutje”, tha ajo.

Pasi Albulena Haxhiu dështoi disa herë me radhë që t’i merrte 61 votat e nevojshme për t’u zgjedhur kryeparlamentare, LVV-ja po e hedh në votim çdo dy ditë propozimin për formimin e një komisioni për votim të fshehtë, i cili gjithashtu nuk po i merr votat e nevojshme. Sot, vetëm 51 deputetë votuan për këtë propozim.

Partitë tjera shqiptare argumentojnë se është shkelje ndërrimi i mënyrës së votimit në gjysmë të procesit.

Gjykata Kushtetuese po e shqyrton një pyetje që ka shkuar atje në lidhje me këtë çështje.

“Do ta nxij jetën po s’më dhe 3 mijë euro”, efektivi i burgut kërcënon dhe shantazhon të dënuarin
Read more

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy