Lajme

Deputetja e LDK-së: Kërkoni ndihmë nga ndërkombëtarët për zbardhjen e krimit në Gllogjan

Autori: Gazeta inFokus 15:47 | 29 November 2021

Deputetja e Lidhjes Demokratike të Kosovës, Hykmete Bajrami, ka thënë se për zbardhjen e krimit në Gllogjan të Deçanit duhet të kërkohet ndihmë nga ndërkombëtarët, në rend të parë te institucionet e sigurisë amerikane.

Këtë reagim Bajrami e ka bërë pasi autori apo autorët e vrasjes së trefishtë në Gllogjan të Deçanit ndodhen akoma në arrati.

“Prej pasluftës janë mbi 400 vrasje të pazbardhura. Secila vrasje duhet të zbardhet dhe posaçërisht vrasja e dy nxënësve dhe shoferit që ndodhi të premten në Gllogjan të Deçanit”, shkruan Bajrami ndër të tjera.

-Advertisement-

Reagimi i saj i plotë:

Zbardheni krimin në Gllogjan, kërkoni ndihmë edhe nga ndërkombëtarët

Qeveria e Kosovës, Ministria e Punëve të Brendshme, Policia e Kosovës, Agjencia Kosovare e Inteligjencës duhet të japin përgjegjësi bashkërisht për mungesë të rezultateve në zbardhjen e vrasjeve në Gllogjan të Deçanit.

Nëse institucionet tona s’po bien në gjurmë të vrasësit/vrasësve, atëherë duhet kërkuar ndihmën te miqtë tanë. Në radhë të parë te institucionet e sigurisë amerikane. Prej pasluftës janë mbi 400 vrasje të pazbardhura. Secila vrasje duhet të zbardhet dhe posaçërisht vrasja e dy nxënësve dhe shoferit që ndodhi të premten në Gllogjan të Deçanit.

Qeveria e Republikës së Kosovë nuk duhet të kursejë asgjë për të zbardhur vrasjen e trefishtë.

Subscribe në YouTube: GAZETA INFOKUSI
Etiketa:
Prince Caffe pjesëmarrës në panairin “Gulfood Fair 2024” në Dubai
-Advertisement-

Të tjera

Fokusi

lajme