Lajme

Deputetja e LDK-së: BE ta ndëshkojë Serbinë për mos respektim të Marrëveshjes së Ohrit

Autori: Gazeta inFokus 19:43 | 10 April 2023

Me 18 mars në Ohër u arrit pajtueshmëri mes palëve për aneksin e planit evropian, për të cilin Kosova e Serbia fillimisht u pajtuan me 27 shkurt në Bruksel.

Bashkimi Evropian pas pajtimi në Ohër tha se duhet nisur menjëherë zbatimi i marrëveshjes dhe pavarësisht se nuk ka nënshkrim, ajo është ligjërisht e obligueshme.

Por, Serbia duket se nuk planifikon ta zbatojë atë në tërësi.

-Advertisement-

Kështu ka deklaruar presidenti serb, Aleksandër Vuçiq.

“Ne do të zbatojmë disa pjesë të marrëveshjes, ndërsa të tjerat jo. E kam bërë të qartë atë që nuk do ta zbatoj”, është shprehur Vuçiç.

Lidhur me këtë nga Presidenca e Kosovës kanë kërkuar që bashkësia ndërkombëtare të vendos sanksione ndaj Serbisë për shkelje të Marrëveshjes së Ohrit.

Kurse, deputetja e Lidhjes Demokratike të Kosovës, Rrezarta Krasniqi, në një prononcim për Gazeta Blic, thotë se Marrëveshja e Ohrit nuk është finale dhe se është e dëmshme, derisa nuk ka njohje.

“Qysh në fillim e kemi cekur se një marrëveshje pa njohje dhe ligjërisht e obligueshme është e dëmshme. Marrëveshja e Ohrit, nuk nënkupton atë finale”, thotë ajo.

Sipas Krasniqit, sa i përket deklaratave të Vuçiq për mos zbatueshmëri të marrëveshjes, BE duhet ta ndëshkojë atë, duke i vendosur sanksione.

“Në këtë rast edhe deklarimet nga pala serbe se nuk do të zbatojnë atë marrëveshje duhet të trajtohen me seriozitet nga BE si ndërmjetësuese dhe të ndëshkohet për mos respektim të marrëveshjes. Serbia vazhdimisht ka punuar kundër interesit të Kosovës, për këtë edhe duhet sanksione ndaj Serbisë”, deklaron deputetja e LDK-së, Rrezarta Krasniqi.

Subscribe në YouTube: GAZETA INFOKUSI
Risi në foleja.com! Prej 49.99€ bleni dyshekët Nouve Blanc dhe përfitoni transportin falas me DHL
-Advertisement-

Të tjera

Fokusi

lajme