Lajme

Deputetja boshnjake për mosvotimin e rezolutës në Kuvendin e Shqipërisë: Turp për ju, deputetë shqiptarë

Autori: Gazeta inFokus 23:00 | 12 May 2022

Deputetja e Bosnje-Hercegovinës, Sabina Cudic, ka reaguar pasi 51 deputetët e Partisë Socialiste të Shqipërisë kanë votuar kundër rezolutës që dënon krimet dhe gjenocidin serb në Srebrenicë e cila u propozua nga deputetët mbështetës të Sali Berishës.

Cudic përmes një cicërime në twitter tha se veprimi i këtyre deputetëve është patetike dhe servilizuese.

Sipas saj, këta deputetë e poshtëruan veten duke dërguar mesazh dëshprues për Bosnjën-Hercegovinën, Kosovën dhe botën.

-Advertisement-

“Turp për ju 51 deputetë shqiptarë që iu bashkuat sot mohuesve të gjenocidit të Srebrenicës. Patetike dhe servilizuese të mbash anën e Rusisë dhe Serbisë në një anë krejtësisht të gabueshme të historisë. Ju poshtëruat veten dhe dërguat mesazh dëshprues për B&H, Kosovën dhe botën”, shkroi Cudic.

Kujtojmë se Cudic është gruaja e aktorit kosovar, Alban Ukaj.

Shame on you 51 Albanian parliamentarian who joined Srebrenica genocide deniers today. Pathetic and servile siding with Russia and Serbia, on a completely wrong side of history. You humiliated yourselves, and sent devastating message to B&H, Kosovo, and the world.

— Sabina Cudic (@SabinaCudic) May 12, 2022

Kuvendi i Shqipërisë ka refuzuar të enjten kërkesën e një deputeti të opozitës për të shqyrtuar dhe mbështetur një rezolutë që dënon krimet e kryera nga forcat serbe në Srebrenicë në vitin 1995 si gjenocid.

Propozimi i deputetit të Partisë Demokratike Tritan Shehu u hodh poshtë nga votat e deputetëve të Partisë Socialiste, që përbëjnë shumicën në Kuvendin e Shqipërisë.

Shehu tha para deputetëve se refuzimi i Kuvendit të Shqipërisë ta dënojë gjenocidin serb në Srebrenicë dhe ta detyrojë Serbinë që të njohë krimet e saj “është vepër e shëmtuar, një shfaqje paprecedent, një shfaqje turpi.”

Subscribe në YouTube: GAZETA INFOKUSI