Lajme

Deputetit të PDK-së qe katër vjet i ruhet pozita e drejtorit të Institutit Pedagogjik

Autori: Gazeta inFokus 06:40 | 28 May 2018

Ministria e Arsimit, Shkencës dhe Teknologjisë (MASHT) që nga viti 2014 është duke ia ruajtur pozitën e drejtorit të Institutit Pedagogjik, deputetit të Partisë Demokratike të Kosovës (PDK), Nezir Çoçaj.

Zyrtari i partisë në pushtet pas zgjedhjes si deputet, katër vjet më parë, e ka pezulluar detyrën e drejtorit, shkruan sot “Koha Ditore”.

Por, kjo pozitë, bazuar në praktikën e ndjekur deri më tash, pritet t’i ruhet Çoqajt edhe për 4 vjetët e ardhshëm, meqë ai është zgjedhur deputet edhe në legjislaturën aktuale. Edhe vetë Çoçaj i ka thënë gazetës se pasi ta përfundojë mandatin e deputetit do të kthehet sërish në pozitën e drejtorit.

-Advertisement-

I pyetur nëse do të vazhdojë ta mbajë këtë pozitë të pezulluar nëse rizgjidhet edhe një tjetër mandat deputet, ai ka thënë se më nuk e ka ndërmend të kandidojë.

Subscribe në YouTube: GAZETA INFOKUSI
Etiketa:
BKS-ja kërkon nga Institucionet që sigurimi për bujqit të bëhët obligativ
-Advertisement-

Të tjera

Fokusi

lajme