Lajme

Deputeti Zeqirja Ibrahimi këndoi himnin shqiptar në Kuvendin maqedonas (VIDEO)

Autori: Gazeta inFokus 21:14 | 27 April 2017

Deputeti shqiptar i Besës, Zeqirja Ibrahmi ka kënduar sot himnin kombëtar shqiptar në Kuvendin e Maqedonisë.

Alsat-M raporton se deputeti i LSDM-së Oliver Spasovski kërkoi që shumica e re të ngrihet në këmbë për të marrë në duar institucionin. Krste Mukovski nga VMRO-DPMNE-ja, nga ana tjetër papritur filloi të këndojë himnin e Maqedonisë që bëri të ngrihen në këmbë të gjithë deputetët. Megjithatë pas himnit, deputetët e LSDM-së njëzëri dhe më këngë, kërkuan përgjegjësi nga Nikolla Gruevski dhe përfundimin e tij në burgun e Shutkës.

Në një ndërhyrje procedurale deputeti i Besës, Zeqirja Ibrahimi tha se nëse u thye rregullorja për ndërhyrje procedurale duke u kënduar himni i Maqedonisë edhe ai do të këndojë himnin shqiptar.

-Advertisement-

“Më vjen keq që në fund e thyet rregulloren dhe e tejkaluat kohën që rregullorja parashikon për ndërhyrje procedural për të kënduar himni. Nëse u lejua të këndohet himni i maqedonas atëherë edhe unë do të këndojë himnin shqiptar”, tha Ibraimi.

Talat Xhaferi sot është zgjedhur kryetar i Kuvendit të Maqedonisë dhe një gjë e tillë është përcjellë me protesta të mëdha, brenda dhe jashtë Kuvendit.

Protestuesit kanë hyrë brenda Kuvendit dhe me këtë rast janë lënduar disa deputetë, në mesin e tyre edhe Zijadin Sela dhe Zoran Zajev.

Subscribe në YouTube: GAZETA INFOKUSI
MYZHDE për krejt!

Të tjera

Fokusi

lajme