Lajme

Deputeti i LDK’së flet për “baraspeshim politik” me Vetëvendosjen

Autori: Gazeta inFokus 20:48 | 09 January 2020

Deputeti i Kuvendit të Kosovës nga radhët e Lidhjes Demokratike të Kosovës, Fatmir Rexhepi, ka folur për bisedimet mes partisë së tij dhe Lëvizjes Vetëvendosje për formimin e një koalicioni për bashkëqeverisjen e vendit.

Rexhepi ka thënë se LDK’ja dhe VV’ja duhet të kenë “baraspeshim politik”.

Përfaqësuesi i LDK’së nga Gjilani ka shtuar se në parti kanë “menduar se qeveria do të udhëhiqet nga VV’ja, LDK’ja ta ketë kryeparlamentarin, dhe ministritë të jenë të barabarta”.

Ai ka thënë se ka mbështetur nga fillimi një koalicion mes LDK’së dhe VV’së.

“Edhe në forumet e partisë kam dhënë propozim të arsyeshëm për koalicionin. Ka pasur edhe mendime të tjera, që në demokraci janë të mirëseardhura”, ka treguar Rexhepi në RTK.

Të tjera