Deputeti i LDK-së që iu zbeh ditëlindja prej kur vdiq Rugova
Autori: Halil Berisha 10:04 | 21 January 2020
Ibrahim Rugova, ishte kryetar dhe themelues i LDK-së.
Por, veç këtyre, Rugova ishte edhe President i Kosovës, kur shteti ende nuk kishte deklaruar pavarësinë, shkruan gazeta inFokus.
Në fakt, Ibrahim Rugova, asnjëherë nuk e priti këtë ditë, pasi vdiq dy vite para shpalljes së pavarësisë, më 21 janar 2006.
E tash çdo vit në këtë ditë, shumë qytetarë përkujtojnë atë, e sidomos anëtarët e LDK-së.
Por, ditë më të veçantë se krejt këta e ka deputeti i partisë së Ibrahim Rugovës, Haxhi Avdyli.
Kjo pasi dita e vdekjes së Rugovës, 21 janari është edhe dita e lindjes së Haxhi Avdylit, shkruan gazeta inFokus.
Haxhi Avdyli në një intervistë për Gazetën inFokus tregon se që nga ajo kohë, atij, i ndryshoi edhe festa.
“Ditëlindja është një moment i mirë personal kur familja e rrethi e shoqëria shpeshherë ta urojnë, besa kanë dëshirë edhe të festojnë me juve, po fatkeqësisht unë nuk ndihem mirë që Presidenti Rugova ka vdekur bash në ditëlindjen time edhe shpeshherë edhe tash e 14 vjet nuk postoj nuk festoj ashtu publikisht ndonjëherë ndonjë festim kështu diskret, në njëfarë mënyrë më duket sikur më ka hendikepu që edhe me festu ose ndonjëherë me postu dikush ndonjë foto nga ndonjë kafe ose ndonjë tortë të prerë atë ditë më hendikepon sepse më duket sikur është një moment kur na duhet pak me si me thënë me përkujtu ose me ndje dhimbje e më pak me festu”, ka thënë Avdyli.
Tutje, deputeti i LDK-së po thotë që për të shumë më shumë ka prioritet përkujtimi ndaj Presidentit historik se sa festimi i ditëlindjës së tij, shkruan gazeta inFokus.
“Për mu prioritet ka më shumë këtë ditë me ja kushtu si nderim veprës e jetës së Presidentit Rugova se sa vet të festoj ditëlindjen, kështu që kjo më shumë tash është shndërrua në një lloj ditëlindje familjare të vogël, me familjen time të ngushtë se sa si kisha pas dëshirë të jem me shoqëri ose bashkëpunëtor e rrethin tim me festu”, ka thënë Avdyli.
E ditëlindja më e rëndë për Avdylin ishte ajo e vitit 2006.
“Dita e vdekjes ishte një moment shokues për të gjithë ne edhe pse ne e kemi ditur që ishte sëmurë me një sëmundje të rëndë por ishte moment shokues të cilin e kemi përjetu rëndë edhe në një farë mënyrë sikur ka lënë një zbrazëti të madhe tek të gjithë ne edhe ka kriju një lloj paqartësie edhe një lloj si me thënë faktikisht sikur kur të vdes një anëtarë i familjes edhe në njëfarë mënyrë po dëshmohet sot e kësaj dite që vdekja e tij ka lënë hapësirë”.
Ndërsa, deputeti i LDK-së krejt këto fjalë i bazon në atë që Rugova ka bërë për Kosovën.
Madje thotë që mungesa e tij, po vërehet edhe tash e këto ditë, kur situata është shumë më e lehtë, por që problemet brenda vet shtetit e dallimet po janë të mëdha.
Andaj, Avdyli bën thirrje që edhe në këtë kohë kur vendi po është pa qeveri shkaku i telasheve në arritjen e marrëveshjes në mes të LDK-së e Vetëvendosjes, të merret shembull Ibrahim Rugova e kompromiset që ai i bëri në kohë edhe më të vështira, shkruan gazeta inFokus.
“Ky njeri i kompromiseve të mëdha, ky njeri i marrëveshjeve, ky njeri i urtë i historisë tonë më të re që ka kontribu shumë për çështjen e Kosovës si në ndërkombëtarizimin e çështjeve, krijimin e miqësive, qe veç analizoje në kohën kur ne nuk kemi asnjë konflikt kemi kaq dallime kaq konflikte njëra parti me tjetrën paramendoni në çfarë kohe ka vepru Presidenti Rugova edhe ka ditë edhe ne atë kohë kur ka pas konflikt, kur ka pas tension ekstrem edhe ka ditë me gjet urti e ka kriju, ka ditë me zgjat doren e me kriju zgjidhje edhe brenda politikes pas lufte kjo tregon çfarë njeriu i madh ka qenë, mendoj që virtyti i tij i mungon sot politikës e mendoj që shpeshherë ne duhet të mësojmë nga jeta e vepra e tij për shumë gjëra e të gjejmë kurajon që ndonjëherë ta tejkalojmë veten siç ka ditë ai ta tejkaloj vetën me marrëveshjet e ndryshme politike për hirë të Kosovës duke e tejkalua edhe ndoshta edhe presionin brenda në LDK për lëshimet te tij që i ka ba p.sh për dhëniet e posteve të ndryshme sikur Kryeministri, por i ka tejkalu edhe ato presione vetëm e vetëm që Kosova të mos bllokohet e të ecim përpara, e ky është mesazhi që Kosovës i duhet një vepër e tij që të ecim përpara e mos të bllokohemi ne si shtet edhe me pas pasoja qytetari”, ka thënë Avdyli./Gazeta inFokus/
Të tjera
-
Zyrtari amerikan vjen në Kosovë, do të takohet me Osmanin
Ndihmëssekretari amerikan për Byronë Ndërkombëtare të Narkotikëve dhe Çështje...
-
Vazhdon gjykimi në Hagë ndaj ish-krerëve të UÇK-së
Në Dhomat e Specializuara të Kosovës në Hagë sot do të vazhdojë procesi gjyqë...
-
Çështja e dinarit, sot në Bruksel takohen Bislimi e Petkoviq
Zëvendëskryeministri i Kosovës, Besnik Bislimi dhe kryenegociatori i Serbisë,...
-
Ngjarjet për sot
Disa nga ngjarjet që pritet të zhvillohen sot në Kosovë. Vazhdon procesi g...
-
Moti me vranësira dhe me shi
Për sot në Kosovë parashikohet të mbajë mot kryesisht i vranët ku pritet të k...
-
Premtimi i Abelard Tahirit: Nëse Kurti edhe një herë bëhet kryeministër, unë e lë mandatin e deputetit
Shefi i Grupit Parlamentar të PDK-së, Abelard Tahiri, tha se do ta lë mandati...
-
Humolli: Kurti ka dështuar të krijojë një realitet të ri politik
Deputeti Fatmir Humolli, ka thënë se kryeministri i Kosovës, Albin Kurti, ka ...
-
Hovenier vizitonin Prizrenin, shfaq edhe talentin në muzikë
Ambasadori amerikan në Kosovë, Jeffrey Hovenieri, sot e ka vizituar qytetin e...
-
“Tërheqjet e njohjeve” të Kosovës, Bërnabiq i konsideron si suksesin më të madh të qeverisë në Serbi
Kandidatja për kryetare të Kuvendit të Serbisë, Ana Bërnabiq, ka thënë se suk...
-
Konjufca: Escobari dallon nga Grenelli vetëm te çështja e shkëmbimit të territoreve
Kryetari i Kuvendit të Kosovës, Glauk Konjufca, ka thënë se emisari amerikan,...
-
Konjufca flet për kontributin e Hashim Thaçin për pavarësinë e Kosovës
Kryetari i Kuvendit të Kosovës Glauk Konjufca ai ka folur për ish- presidenti...
-
Tahiri: Jemi më se të bindur, PDK i fiton zgjedhjet e ardhshme
Shefi i Grupit Parlamentar të PDK-së, Abelard Tahiri, u shpreh i bindur se PD...