Lajme

Deputeti i LDK-së konfirmon pjesëmarrjen në protestë, Thaçin e quan gjyshe të përrallave

Autori: Gazeta inFokus 15:47 | 27 September 2018

Deputeti i LDK-së të shtunën do të dal kundër qëndrimit të partitë së tij.

Haxhi Avdyli do të marr pjesë në protestën e organizuar nga Vetëvendosje, shkruan gazeta inFokus.
Avdyli përmes një postimi në facebook ka shkruar se ka marrë vendim që të shtunën të jetë vetëm qytetar i thjeshtë i Kosovës në protestën kundër NEOGCIMIT ME Serbinë për territorin e Kosovës.

“Unë vendosa. Që të shtunën nga ora 14 deri 16, ta zhveshi petkun e Neurokirugut, mësimdhënësit, veteranit por edhe kryetarit të degës së LDK-së e deputetit dhe të jem vetëm një qytetarë më shumë në Protestën e së shtunës. Aty do jem vetëm për Kosovën unike e të pandarë. Për hatër të asnjë lideri opozitar por vetëm kundër Hashim Thaqit vizatuesit të dështuar hartave të copëtimit Qosiqian të Kosovës.”, ka shkruar ai.

-Advertisement-

Ai po ashtu ka shkruar se në protestë do të ketë rolin e qytetarit të revoltuar për të treguar se nuk i besojmë përrallat e gjyshes politike si Hashim Thaqi për babadimrin Vuçiç.

“Aty ato 2 orë do jem me asnjë parti as lëvizje por me qytetarin e revoltuar nga abuzimi i pushtetarëve jo legjitim që po luajnë me fatin e këtij vendi sikur ky vend është jetim ku ska burra e gra që i dalin zot këtij vendi. Aty jam për të treguar se jemi të rritur të gjithë sa për ti mosbesuar përrallave të gjyshes politike si Hashim Thaqi për babadimrin Vuçiç i cili do nxjerë nga thesi i tij njohjen e pavarësisë me këta kufinj dhe plus faljen luginës së Preshevës.”, ka shkruar ai.

Ndryshe të hënën nënkryetari i Lidhjes Demokratike të Kosovës, Agim Veliu është deklaruar kundër protestë se VV-së. Ai madje ka thënë se nuk është koha e duhur për protestë por do të përgatisin mocion për rrëzimin e Qeverisë.

Veliu ka shtuar gjithashtu se nëse LDK e she të nevojshme protestën do ta organizoj atë vet./inFokus

Subscribe në YouTube: GAZETA INFOKUSI