Lajme

Deputeti i Kurtit sot me një deklaratë të re: Zgjedhjet janë zgjidhja për deputetët që nuk i verifikojnë mandatet e tyre

Autori: Gazeta inFokus 11:50 | 18 Prill 2025

Deputeti i zgjedhur i Lëvizjes Vetëvendosje, Halil Thaçi, edhe sot ka dalë me një deklaratë tjetër ku ka thënë se zgjedhjet e  jashtëzakonshme mund të jenë zgjidhja e vetme për situatën aktuale politike, pasi disa deputetë po refuzojnë të verifikojnë mandatet e tyre, shkruan Gazeta Infokus.

Sipas Thaçit, kjo situatë po e pengon procesin e konstituimit të institucioneve, edhe pse Vetëvendosje, sipas tij, i ka votat e mjaftueshme për të formuar Qeverinë dhe për të zgjedhur kryetarin e Kuvendit.

“Me të vërtetë, zgjedhjet janë zgjidhja për këta njerëz që nuk i verifikojnë mandatet e tyre. Qytetari ju ka besuar për të qenë deputetë, ndërsa ata nuk po i besojnë vetes për këtë rol”.

-Advertisement-

“I kemi deputetët e mjaftueshëm për ta krijuar Qeverinë. Për asnjë moment, Republika e Kosovës nuk do të mbetet pa kryeministër. Qytetarët duhet të jenë të qetë – nuk do të ketë vakum institucional,” ka shtuar Thaçi për RTV21.

I pyetur për deklaratat e kolegut të tij, Haxhi Avdyli, i cili kishte përmendur një marrëveshje të mundshme mes Albin Kurtit dhe Fatmir Limajt, Thaçi u shpreh se nuk ka dijeni për ndonjë marrëveshje të tillë.

“Unë personalisht, si deputet, nuk kam informata nëse ka apo jo një marrëveshje me Nismën. Por jemi të gatshëm të shtyjmë proceset përpara,” tha ai.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy