Lajme

Deputeti gjerman: Mirë që Kosova e pranoi propozimin franko-gjerman, BE-ja të mos lejojë më burime problemesh

Autori: Gazeta inFokus 12:25 | 08 February 2023

Deputeti gjerman, Thomas Hacker ka thënë se është mirë që Kosova e ka pranuar propozimin e Bashkimit Evropian si një bazë të mirë në negociatat për të normalizuar raportet me Serbinë.

Hacker në llogarinë e tij në Twitter ka shkruar se duke pasur parasysh situatën, Bashkimi Evropian nuk duhet të lejojë që të ketë pika të nxehta në rajonin e Ballkanit Perëndimor.

“Është mirë që Kosova e pranoi propozimin evropian për normalizimin e marrëdhënieve me Serbinë si bazë për negociata. Duke pasur parasysh situatën ndërkombëtare, BE nuk duhet të lejojë më burime problemesh në rajon”, ka shkruar Hacker.

-Advertisement-

Kujtojmë se kryeministri Albin Kurti tashmë edhe zyrtarisht e ka pranuar propozimin evropian për arritjen e një marrëveshjeje finale në dialog.

Këtë, Kurti e bëri të ditur pas vizitës së Lajçakut në Prishtinë, ku të dy u takuan në një darkë pune.

Menjëherë pas takimeve në Prishtinë e Beograd, Lajçak paralajmëroi një takim të nivelit të lartë në Bruksel.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme