Lajme

Departamenti i Drejtësisë paralajmëron Elon Musk: Dhurimi i 1 milion dollarëve për votuesit e regjistruar është i paligjshëm! Shkel ligjin federal

Autori: Gazeta inFokus 09:46 | 25 October 2024

Departamenti i Drejtësisë paralajmëroi Elon Musk ditët e fundit se do të japë 1 milion dollarë çdo ditë deri në zgjedhjet e nëntorit për dikë që nënshkruan një peticion në internet në favor të lirisë së shprehjes dhe të drejtës për të mbajtur armë, të cilat garantohen nga Kushtetuta e SHBA.

Ndërkohë në lidhje me këtë plan Departamenti i Drejtësisë paralajmëroi shkel ligjin federal. Ligji federal ndalon pagesën e njerëzve për t’u regjistruar për të votuar. Gjuha e peticionit aktualisht premton 1 milion dollarë çmime për njerëzit e zgjedhur rastësisht për nënshkrimin e një peticioni në mbështetje të lirive të Amendamentit të Parë dhe të Dytë. Por për të nënshkruar peticionin, duhet të jenë të regjistruar për të votuar në shtete specifike.

Një letër nga seksioni i integritetit publik të Departamentit të Drejtësisë, i cili heton shkeljet e mundshme të ligjit lidhur me zgjedhjet, shkoi në komitetin e veprimit politik të Musk, sipas njerëzve të informuar për këtë çështje.

-Advertisement-

CNN ka kontaktuar duke kërkuar komente nga Musk, disa adresa emaili të listuara në faqen e internetit të super PAC, arkëtari i grupit dhe ekipi i shtypit i Musk në platformën X. Departamenti i Drejtësisë nuk pranoi të komentojë.

“Ne duam të përpiqemi të marrim mbi një milion, ndoshta 2 milionë votues në shtetet e fushëbetejës për të nënshkruar peticionin në mbështetje të Amendamentit të Parë dhe të Dytë,” tha Musk.

Musk nuk humbi kohë dhe i dha një çek prej 1 milion dollarësh dikujt që merrte pjesë në eventin e tij në Pensilvani, të cilin e organizoi me qëllimin për të mbledhur mbështetje për republikanin Donald Trump. Fituesi ishte një burrë i quajtur John Dreher.

Musk, i cili ka shprehur mbështetjen e tij pas ish-presidentit Donald Trump dhe po shpenzon miliona dollarë për të mbështetur kandidaturën e tij, ka publikuar çmimin prej 1 milion dollarësh nga komiteti i tij i veprimit politik që synon të rrisë regjistrimet e votuesve në shtetet e diskutueshme.

Subscribe në YouTube: GAZETA INFOKUSI
Etiketa:
Marsi sjell Magji në ETC
-Advertisement-

Të tjera

Fokusi

lajme