Dënohet me 1 vit burgim me kusht zyrtari i Komunës së Dragashit
![](https://gazetainfokus.com/wp-content/uploads/2022/10/312576339_1129747861269196_4114037151020260331_n-750x430-1-600x360-1.jpg)
Autori: Gazeta inFokus
15:57 | 27 October 2022
Gjykata Themelore në Prizren, ka shpallur aktgjykim dënues ndaj të akuzuarit Avni Nebiu, zyrtar i Komunës së Dragashit, duke e dënuar me një vit burgim me kusht.
Nebiu akuzohej se si zyrtar autorizues i pagesave ka nënshkruar urdhërpagesat e servisimit të automjeteve zyrtare, në servisin “Menti”, në bazë të faturave edhe pse Kuvendi Komunal i Dragashit, ka pasur kontratë me operatorin ekonomik “LML” për rregullimin e automjeteve, raporton “Betimi për Drejtësi”.
Shpallja e aktgjykimit, u bë të enjten nga kryetarja e trupit gjykues, gjykatësja Raima Elezi.
Sipas aktgjykimit, i akuzuari Nebiu dënohet me burgim në kohëzgjatje prej një viti, i cili dënim nuk do të ekzekutohet nëse në afat prej 2 viteve nuk kryen vepër të re penale.
Po ashtu, ai obligohet që të paguajë të gjitha shpenzimet procedurale në emër të ekspertizave financiare dhe prezencën e ekspertit në shqyrtimin kryesor.
I njëjti obligohet që në emër të paushallit gjyqësor të paguajë shumën prej 50 euro dhe në emër të kompensimit të viktimave shumën prej 50 euro.
Kundër këtij aktgjykimi, palët e pakënaqura kanë të drejtë ankese në afat prej 15 ditësh në Gjykatën e Apelit.
Ndryshe, në këtë rast, për veprën penale të keqpërdorimit të pozitës dhe konflikit të interesit akuzohej edhe Ahmet Bahtijari si dhe për keqpërdorim të pozitës zyrtare edhe Selajdin Vehbi, mirëpo të njëjtën e kishin pranuar fajësinë dhe janë dënuar me 2 vite e 4 muaj burgim me kusht.
Prokuroria Themelore në Prizren, më 31 maj 2019, ka ngritur aktakuzë ndaj Avni Nebiut dhe Selajdin Vehbi, për veprën penale të “Keqpërdorimit të detyrës apo autoritetit zyrtar”, ndërsa Ahmet Bahtijari, përveç për “Keqpërdorim të detyrës zyrtare”, ngarkohej edhe për “Konflikt të interest”.
Ndërsa, Avni Nebiu dhe Selajdin Vehbi, thuhet se gjatë periudhës nëntor 2014, e deri në kohë të pacaktuar, në cilësi të personave zyrtarë të Komunës së Dragashit, Avni Nebiu, zyrtar autorizues i pagesave, ndërsa Selajdin Vehbi, zyrtar certifikues, duke mos i përmbushur detyrat zyrtare apo autoritetin zyrtar, kanë tejkaluar kompetencat me qëllim të përfitimit të dobisë pasurore për servisin “Menti”, pronar i të cilit është djali i drejtorit të Financave në Komunën e Dragashit.
Aktakuza thotë se të pandehurit Avni Nebiu dhe Selajdin Vehbi, nënshkruajnë urdhërpagesat e servisimit të automjeteve zyrtare, në servisin “Menti”, në bazë të faturave edhe pse Kuvendi Komunal i Dragashit, ka pasur kontratë me operatorin ekonomik “LML” për rregullimin e automjeteve.
Kështu që sipas aktakuzës, i mundëson dobi pasurore pronarit të servisit “Menti”, për vitin 2015 shumën prej 3 mijë e 69 euro, për vitin 2016, shumën prej 712 euro dhe për vitin 2017, shumën prej 1 mijë e 532 euro, duke dëmtuar kështu operatorin ekonomik “LML”, e cila ka pasur kontratë për servisimin e automjeteve të Komunës së Dragashit.
Me këto veprime, ata thuhet se kanë kryer veprën penale “Keqpërdorim i pozitës apo autoritetit zyrtar”, nga neni 422 par.1 lidhur me par.2 nënpar.2.4 të KPRK-së.
![](https://gazetainfokus.com/wp-content/uploads/2023/10/WhatsApp-Image-2023-10-27-at-10.46.41.jpeg)
Të tjera
-
“Nuk i pata as gjysmën e parave”, Ganimete Musliu tregon si i siguroi 30 mijë euro për ta mbuluar një pjesë të operimit në Gjermani
Deputetja e Partisë Demokratike të Kosovës (PDK), Ganimete Musliu, ka folur p...
-
Kurti lamtumirë Kadaresë: U ndamë prej trupit të tij që e mori arkivoli i mbështjellë me flamurin kombëtar
Kryeministri i Kosovës, Albin Kurti, i ka dhënë lamtumirën shkrimtarit të njo...
-
Afro 8 milionë euro për zhvillimin e master-planit për Kompleksin “Adem Jashari”, tenderin e fiton kompania gjermane
Ministria e Kulturës ka dhënë tenderin për zhvillimin e master-planit për Kom...
-
Rënia e numrit të nxënësve që iu nënshtruan testit të maturës, MAShTI del me një sqarim
Ministria e Arsimit, Shkencës, Teknologjisë dhe Inovacionit ka dalë me një sq...
-
Nderohet shkrimtari Ismail Kadare nga Tirana, Prishtina dhe Shkupi
Mijëra qytetarë nga Shqipëria, Kosova, Maqedonia e Veriut, si dhe personalite...
-
Kina dhe Kazakistani do te forcojnë bashkëpunimin
Presidenti i Kazakistanit Kassym-Jomart Tokayev zhvilloi bisedime në Astana m...
-
Kina nxit Izraelin të përmbushë detyrimet humanitare
Kina i bëri thirrje të martën Izraelit të përmbushë detyrimet e tij sipas lig...
-
KPK publikon listën e kandidatëve për prokurorë të shtetit që kanë kaluar testin me shkrim
Këshilli Prokurorial i Kosovës, bazuar në nenin 29, paragrafin 6 të Rregullor...
-
Dëshmitari tregon nofkat që kishin anëtarët e UÇK-së
Dëshmitari Bislim Zyrapi gjatë dëshmisë së tij ka treguar se ka pasur nofkën ...
-
Serbia e arreston F.K me pretendimet se “kreu krime kundër ushtrisë jugosllave” në Koshare
Ministri i Punëve të Brendshme të Serbisë, Ivica Daçiq, ka bërë të ditur se a...
-
Hovenier: Kontributet e Kadaresë në letërsi kanë lënë gjurmë të pabesueshme në botë
Ambasadori i ShBA-së në Kosovë, Jeffrey Hovenier, ka shprehur ngushëllime për...
-
Dialogu Kosovë-Serbi, rikthimi i mundshëm i Trump dhe Rusia mund t’i shkaktojnë kokëçarje Kallasit
Politikania estoneze, Kaja Kallas, do të jetë shefja e re e diplomacisë së Ba...