Lajme

Demolli: Kurti e luajti politikanin që s’frikësohet, e i del përballë Amerikës – n’fund shtyn afate

Autori: Gazeta inFokus 23:40 | 31 January 2023

Anëtarja e PSD-së, Donjeta Demolli, në emisionin “Prime Time” ka komentuar veprimet e kryeministrit të vendit, Albin Kurti në raport me Shtete e bashkuara të Amerikës.

Demolli, ka thënë se Kurti ka ndryshuar vazhdimisht qëndrimet sado që në publik e ka luajtur rolin e politikanit të pakompromis, që s’i frikësohet askujt dhe i del përballë Amerikës.

“Gjatë gjithë kohës e ka paraqit vetën si politikan pakompromis, por nga ana tjetër tërë kohën ka bërë kompromise. Kemi ndryshim të fjalëve në vazhdimësi, edhe qëndrimi për targa ka qenë i fuqishëm e serioz në komunikimi me publikun. Sepse kështu ka qenë qasja gjithmonë. Për konsum të brendshëm e ka lujt politikanin e pakompormis, që s’i frikësohet askujt e që i del përballë Amerikës, por e kemi pru situatën deri aty ku çdo herë në moment të fundit e kemi ndërruar qëndrimin e kemi shty afate.”, ka thënë Demolli.

-Advertisement-

Tutje, anëtarja e PSD-së ka thënë se Qeveria që nga fillimi vetëm ka kontribuar në shtimin e tensioneve dhe themelimin e Asociacionit.

“Shenjat nga ky takim dhe sinjalet që po vijnë kohëve të fundit është se jemi në kushte urgjence për krijimin e Asociacionit. Dmth tash po flitet vetëm për terma të referencës dhe mënyrën se si do ta krijojmë dhe jo më për mundësinë e krijimit apo jo të këtij Asociacioni. Qeveria jonë që nga fillimi i mandatit ka pas një qasje arrogante duke folur për njohje në qendër, prioritetin e shtatë, mungesë bashkëpunimi për ndërkombëtarë të cilët vazhdimisht kanë treguar interes për të zgjidhur këtë problem. Pra kemi pasur një Qeveri që veç iu ka kontribuar shtimit të tensionit dhe bërjes së Asociacionit si temë të domosdoshme dhe urgjente, për shkak se gjendja në teren pas intervenimeve atje dhe tensioneve të situatës për çështje teknike nga ana e dy palëve e ka pru situatën ku më nuk diskutohet, për çfarëdo marrëveshje që normalizon marrëdhëniet po për Asociacionin.”, ka deklaruar Demolli.

Subscribe në YouTube: GAZETA INFOKUSI