Dëmet në bujqësi janë të mëdha, kompensimi pas vlerësimeve
Autori: Gazeta inFokus 11:44 | 16 January 2021
Vërshimet e fundit të shkaktuara nga reshjet e mëdha kanë përmbytur edhe tokat bujqësore, duke bërë dëme të mëdha në kulturat e mbjellura.
Fermerët që kanë pësuar nga këto vërshime kërkojnë ndihmën e shtetit për kompensim, ndërsa ministri në detyrë i Bujqësisë, Besian Mustafa thotë se pas vlerësimeve të dëmeve, do të bëjnë kompensimin financiar të këtyre dëmeve.
Fermeri nga Krusha e Madhe, Mentor Duraku thotë se dëmet janë të mëdha në bujqësi, në kulturat bujqësore të grurit.
Fermerit nga Rahoveci i cili është edhe kultivues i perimeve, reshjet e fundit ia dëmtuan edhe lakrën.
Duraku: Reshjet e fundit kanë dëmtuar të mbjellat me grurë
“Reshjet e fundit kanë dëmtuar grurin më shumë. Janë në ujë të gjitha. A ka dalë ndonjë komisionin me vlerësuar dëmin? Jo ende. Kanë dalë për evidentimin e shtëpive që është bërë dëm”, theksoi ai.
Kryetari i fshatit Krushë e Madhe, Selatin Hoti thotë se fatkeqësisht edhe zona e Rahovecit është prekur nga vërshimet, por siç tregon ai dëmet më të mëdha janë në bujqësi, veçanërisht sipërfaqet me grurë.
Hoti u shpreh se sipërfaqe të mëdha me grurë janë nën ujë
“Dëmet janë jashtëzakonisht të mëdha edhe në bujqësi, siç shihet edhe nga këtu kemi të bëjmë me sipërfaqe të tëra përmbytura e që fatkeqësisht janë me grurë të mbjella. Gruri është buka që është produkt strategjik për secilin popull në tryezë dhe në aspektin ekonomik. Mbesim me shpresë se niveli komunal dhe qeveria qendrore, si dhe të gjithë akterët e tjerë të cilët kanë mundësi të ndihmojnë dhe t’u dalin në krah fermerëve dhe familjarëve në ne nevojë jo vetëm në fshatin tonë, por gjithandej ku ka pasur vërshime”, deklaron Hoti.
Edhe fermeri nga Remniku i Vitisë, Qerim Qerimi që është kultivues i dredhëzës thotë se janë dëmtuar mjaft nga vërshimet.
Qerimi tha se jemi dëmtuar shumë
“Po tash jemi dëmtuar shumë, ende s’kanë dalë komisionet… Është problem me iu përgjigjur këtij dëmi tash. Për treg është pak rrezik, se nuk jemi të sigurt askund me dërgua”, tha ai.
Ministri në detyrë i Bujqësisë, Besian Mustafa thotë për KosovaPress se fatkeqësisht është një numër i madh i komunave ku kanë pësuar fermerët nga fatkeqësitë natyrore ose nga reshjet e fundit.
Mustafa po ashtu thotë se pas vlerësimeve të dëmeve, me anë të një vendimi qeveritar do të kompensohen ato me mjete financiare.
Mustafa tha pas vlerësimeve, me një vendimi qeveritar do të kompensohen dëmet
“Vërshimet kanë qenë mjaft të mëdha ka qenë e pa mundur edhe lëvizja e zyrtarëve komunal në disa nga këto treva. Tani komisionet kanë filluar të dalin në terren për të evidentuar dhe vlerësuar dëmet. Sa po të kemi raportet finale do të bëjmë një përmbledhje përfundimtare për të gjitha komunat dhe do të nxjerrim një vendim në qeveri për kompensimin financiar të këtyre dëmeve”, thotë Mustafa.
Edhe kryeministri në detyrë Avdullah Hoti për dëmet e shkaktuara nga përmbytjet nëpër shtëpi, infrastrukturë rrugore dhe bujqësi ka premtuar se me prioritet do të bëhet kompensimi i dëmit nga Fondi Emergjent i Qeverisë së Kosovës.
Të tjera
-
Çitaku, Kurtit: Mos u përziej aty ku s’e ke vendin – ke fituar për kryeministër të Kosovës, jo për sundimtar të shqiptarëve
Sekretarja e Përgjithshme e PDK-së, Vlora Çitaku, ka thënë se mësimi kryesor ...
-
Abdixhiku: Shqiptarët në Maqedoninë e Veriut u ndanë, Kurti dhe gjithë aparati qeveritar u bënë akter aktiv
Kryetari i Lidhjes Demokratike të Kosovës (LDK), Abdixhiku, ka reaguar pas re...
-
Ngjarjet e datës 25 prill
Vazhdon procesi gjyqësor në rastin Thaçi dhe të tjerët – gjykimi. (Hagë, ora ...
-
Taravari: BDI manipuloi me vota joshqiptare
Kandidati për president i Koalicionit VLEN Arban Taravari, pas shpalljes së r...
-
Festa e Frontit Europian, Ahmeti: Ky kapitull u mbyll me sukses, me mbi 40 mijë vota epërsi ne shënuam fitore
Kryetari i Bashkimit Demokratik për Integrim, Ali Ahmeti në festën e fitores ...
-
Valon Syla pas fitores së Osmanit: Kur Albin Kurti të shkojë në plazhet greke, më nuk i bie kah Maqedonia
Analisti Valon Syla tha se kryeministri Albin Kurti ka marrë leksion sonte sa...
-
Kurti fton diasporën që të marrë pjesë në regjistrimin online të popullsisë: Jeni shtyllë qendrore e shtetit tonë
Kryeministri i vendit, Albin Kurti ka thënë se Kosova për herë të parë ka fil...
-
Shpallet vendimi për mbylljen e TikTok-ut në SHBA
Pasi Kongresi amerikan votoi në favor të projektligjit për mbylljen e TikTok-...
-
Bujar Osmani shpall fitoren, i kërkon Arben Taravarit ta pranojë humbjen
Kandidati i BDI-së nga Fronti Europian për president të Maqedonisë së Veriut,...
-
BDI-ja nisi festën në Sheshin Skënderbeu në Shkup, Grubi: Fitoi UÇK-ja dhe Ali Ahmeti
Një numër i madh i simpatiznatëve të BDI-së janë grumbulluar në Sheshin Skend...
-
“Mbylleni derën, shkoni në shtëpi”- simpatizantët e BDI-së para shtabit të VLEN
Simpatizantët e BDI-së provokojnë përfaqësuesit e VLEN-it të cilët kanë lëshu...
-
Kandidatja e VMRO-së prin në zgjedhjet presidenciale në Maqedoninë e Veriut
Në Maqedoninë e Veriut qytetarët më 24 prill votuan për presidentin e ri të s...