Lajme

Demaj paralajmëron njohje të reja

Autori: Gazeta inFokus 10:32 | 20 Gusht 2017

Ministri në detyrë i Punëve të Jashtme, Emanuel Demaj, thotë se këtë vit Kosova do të pranojë njohje të reja.

Ndonëse nuk ka përmendur se cilat do të jenë shtete që ta njohin Kosovën, Demaj thotë se njohjet do të vijnë nga shtetet afrikane.

Ministri në detyrë vlerëson se Kosovës i kanë munguar njohjet edhe për shkak se institucionet janë përqendruar në lobim sa i përket anëtarësimit në organizata ndërkombëtare. Por vet Demaj, ka konfirmuar se këtë vit nuk kanë aplikuar për anëtarësim në Organizatën e Kombeve të Bashkuara për Arsim, Shkencë dhe Kulturë (UNESCO).

-Advertisement-

“Shtetet të cilat do të na njohin janë shtete afrikane dhe besoj se do të ketë njohje shumë shpejt, por sa i përket neglizhencës që po thuhet se ka pasur neglizhencë dhe nuk është lobuar për njohje. Kosova po kalon nëpër procese të ndryshme siç është rasti i INTERPOL-it por nuk e kemi lënë në asnjë mënyrë të anashkaluar edhe çështjen e njohjeve”, u shpreh Demaj, për Ekonomia Online.

Demaj ka vlerësuar punë e paraardhësit të tij, ish-ministrit Enver Hoxhaj.

“Kishte njohje, këtë vit kishte nuk është që nuk ka pasur njohje, ministri Hoxhaj ka lobuar mjaft në shumë shtete. Gjithashtu këtë vit pritet që të ketë edhe njohje të reja, ta them realisht po vjen duke u reduktuar numri i shteteve që nuk na kan njohur”, tha ai.

Kosova ka pranuar njohjen e fundit në mars të këtij viti nga Bangladeshi. Deri më tani Kosova është njohur nga 114 shtete.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy