niversiteti i Prishtinës “Hasan Prishtina” dhe UNICEF kanë organizuar një konferencë të përbashkët mbi “Ndërtimin e Partneritetit për Ndryshime Pozitive Sociale në Kosovë”.

Rektor i UP-së, Marjan Dema, tha se ndryshimet në Kosovë duhet të fillojnë qysh nga universiteti që ai e udhëheq.

“Si ithtar i punës vullnetare mendoj se çdo student duhet të bëjë punë vullnetare, sepse studentet janë shtylla kryesore e shoqërisë tonë. Shërbimi për komunitetin në baza vullnetare është një vlerë, ta kalojmë rolin dhënësit në rolin e marrësit. UP-ja dëshiroj të udhëhiqet nga transparenca dhe llogaridhënia, andaj ne jemi duke punuar fuqishëm në transformimin e këtij institucioni, sepse pa ndryshime në universitet, nuk ka ndryshime në Kosovë”, tha Dema.

-Advertisement-

Demaj po ashtu ka ftuar edhe rektorët e universiteteve të tjera si ato publike dhe private që t’i bashkohen kësaj iniciative për ndryshime në shoqëri.

Kurse, shefi i Zyrës së UNICEF-it në Kosovë, Murat Sahin tha se kjo iniciativë do t’iu ndihmojë të rinjve të jenë më produktiv.

“Të rinjtë po i nënshtrohen transformimeve të digjitalizimit dhe lidhen me platforma digjitale dhe duhet t’i harmonizojmë programet e të rinjve dhe të mobilizojmë vullnetaret, të cilët janë të angazhuar në transformime pozitive. Ne si UNICEF mund ti ndihmojmë studentëve të Kosovës të kontribuojnë në komunitetin e tyre. Ky takim është bërë për të eksploruar mundësitë që ne mund t’i ofrojmë. Së bashku me akademinë mund të realizojmë këto ndryshime dhe do t’i ndihmojnë të rinjtë të jenë sa më produktivë dhe energjikë. Qëllimi ynë është që t’i lidhim studentët e universiteteve me akademinë për ndryshime në shoqëri”, tha Sahin.

James Mugaju, zëvendësshefi i UNICEF-it kërkoi krijimin e një hapësire për dialog për ndryshimet pozitive në shoqëri.

“Qëllimi i takimit nuk është të bëjmë prezantime, por të krijojmë hapësirë për një dialog dhe të bisedojmë për ndryshimet pozitive në shoqëri. Ne vetëm duhet të flasim dhe pajtohemi se si mund të punojmë bashkërisht për transformimin shoqëror. Prosperiteti i Kosovës varet nga veprimet tuaja dhe sjelljet tuaja, veprimet e politikave dhe zgjedhjeve të politikave do të kufizojnë prosperitetin e Kosovës se sa do te jetë e përparuar Kosova sot dhe nesër”, tha ai.

Kjo konferencë një ditore është e hapur për të gjithë studentët e universiteteve publike dhe private, të cilët janë të interesuar të ndihmojnë komunitetin në baza vullnetare.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-