Lajme

Delegacioni i BE-së: Nuk duhet të ketë vend për dhunë në politikë

Autori: Gazeta inFokus 13:05 | 08 January 2022

Delegacioni i Bashkimit Evropian ka reaguar lidhur me protestën që po mbahet sot në Shqipëri, shkruan Gazeta Infokus.

Në këtë reagim thuhet se ky delegacion e dënon dhunën dhe ka bërë thirrje që ajo të ndalohet.

“Rruga e integrimit të Shqipërisë në BE ka nevojë për një opozitë solide që kontribuon në axhendën e reformave të vendit, duke iu përgjigjur aspiratës së popullit shqiptar, shumica dërrmuese e të cilit dëshiron ta shohë Shqipërinë në BE”, thuhet në reagim./Gazeta Infokus/

-Advertisement-

Reagimi i plotë nga delegacioni i BE:

Delegacioni i Bashkimit Evropian dënon aktet e dhunës që kanë ndodhur sot dhe u bën thirrje të gjithë aktorëve të përfshirë të ushtrojnë qetësi dhe përmbajtje. Nuk duhet të ketë vend për dhunë në politikë.

Të gjithë të përfshirët kanë përgjegjësinë të sigurojnë që demonstratat të zhvillohen në mënyrë të rregullt dhe paqësore dhe të garantojnë sigurinë e të gjithë njerëzve të pranishëm.

Rruga e integrimit të Shqipërisë në BE ka nevojë për një opozitë solide që kontribuon në axhendën e reformave të vendit, duke iu përgjigjur aspiratës së popullit shqiptar, shumica dërrmuese e të cilit dëshiron ta shohë Shqipërinë në BE.

Subscribe në YouTube: GAZETA INFOKUSI

Të tjera

Fokusi

lajme