Sport

Deklarata e Pajazitit pas fitores ndaj Prishtinës

Autori: Gazeta inFokus 18:11 | 17 March 2018

Drenica e ka mposhtur Prishtinën me rezultat 1:0 dhe ndodhet në pozitën e tetë me 36 pikë. Trajneri i saj, Sadat Pajaziti, është shprehur i kënaqur me këtë fitore, e cila sipas tij nuk është aspak befasi.

“Jam i kënaqur me fitore, për shkak se në ndeshjet e kaluara nuk kemi marrë aq sa kemi merituar. Në javët e kaluara stërvitëm në fusha të vogla dhe kjo ishte pengesë për ne. Tani që koha është më e mirë patëm mundësi të punojmë në fushën tonë dhe kjo u vërejt edhe në lojë, Jam i kënaqur me atë që treguan djemtë, përballë një Prishtine që ka shumë cilësi. Jam i kënaqur edhe për golin e Mziut, pasi bëhet fjalë për një talent që premton shumë”, ka thënë Pajaziti për Super Sport Kosova.

I pyetur nëse Drenica do ta sigurojë mbijetesën në elitën e futbollit kosovar, ai është përgjigjur: “Nuk e diskutoj këtë temë. Drenica nuk është skuadër që rrezikon të largohet nga liga”.

-Advertisement-

Subscribe në YouTube: GAZETA INFOKUSI