Dejona Mihaili është “masha e kontrollit” në LVV me leje të Kurtit
Autori: Gazeta inFokus 09:23 | 07 March 2024
Politologë e ish-deputetë të Lëvizjes Vetëvendosje janë të bindur që “masha e kontrollit” të deputetëve të pushtetit, Dejona Mihali, ua dizajnon sjelljet deputetëve të LVV-së me lejen e kryeministrit të Kosovës, Albin Kurtit, një javë pasi “komisarja” Mihali u shfaqë në telefonin e deputetes Adriana Matoshi gjatë një seance kuvendi.
Politologu Shkodran Ramadani, thotë për Albanain Post se ajo që ndodhi me Matoshin, tregon se ka mungesë “të autonomisë së deputetëve”, teksa shton se logjika na çon në vetëm një përfundim se Mihali e ka “miratimin e Kurtit” për t’i mbajtur nën kontroll të zgjedhurit e popullit nga pushteti.
“E ka miratimin e Albin Kurtit për të ushtruar kontroll të plotë mbi të zgjedhurit e popullit. Albin Kurti, që tanimë merret më shumë me punë të qeverisë, kontrollin e plotë mbi partinë e ka deleguar tek disa njerëz, në mesin e të cilëve bën pjesë edhe Mihali”, mendon Ramadani.
Prandaj, ai insiston që kritika dhe kërkimi i llogarisë nuk duhet të orientohet tek ajo, por tek Albin Kurti që i ka huazuar asaj pushtetin e të cilin mund t’ia merr në çdo sekondë, meqë sipas Ramadanit, Mihali është zëvendësimi i Kurtit në parti dhe garanca se partia do të kontrollohet në mënyrë autoritare në çdo cep edhe kur ai nuk është vërdallë partisë.
“Derisa emri i Dejona Mihalit duhet të lakohet dhe të mbahet përgjegjëse, gishti për faj kryesor duhet të drejtohet kah Kurti, që ka instaluar atë logjikë në parti, ku deputetët e tij duhet të jenë uniform, njëzëri dhe ku nuk lejohet mendimi ndryshe. Kjo është logjika dhe ai është arkitekti i saj”, u shpreh ai.
Ndërkaq në optikën e ish-deputetit të LVV-së, Afrim Kasollit, praktikisht diku më shumë e diku më pak, thuajse të gjitha partitë politike kanë struktura të tilla okulte politike që nga horizontet e errëta partiake e diktojnë agjendën publike të partive politike dhe trupave përfaqësues institucionalë.
“Kjo qasje e kultivon atë frymë të lojalitetit politik ku nënshtrimi ndaj partisë dhe grupeve të ngushta të saj është më primar se sa agjenda shtetërore dhe mandati formal i përfaqësimit qytetar. Në këtë linjë e shoh edhe ndikimin që ushtron Dejona Mihalli mbi deputetet e grupit parlamentar të Vetëvendosjes”, shpjegon Kasolli për AP.
Po ashtu, Kasolli është në një linjë me Ramadanin, se fuqia e “Koordinatores së Komiteteve” në LVV derivon nga mbështetja që ajo e gëzon nga lideri i partisë për ta mbajtur nën kontroll politik dhe ideologjik partinë.
“Mirëpo problemi është se një qasje e tillë i trajton deputetet si ‘tabula rasa’ në aspektin politik të cilët nuk kanë asnjë rol tjetër pos që te jenë zgjatim i vullnetit të ngushtë partiak dhe liderit. Ku në vend të përfaqësimit qytetar nga poshtë –lartë, ata instumentalizohen në mumie burokratike të imponimit të qëndrimeve të para orkestruara dhe imponuara”.
Për më shumë kjo sjellje politike, sipas Kasollit është edhe “në kundërshtim me Kushtetutën e Kosovës”, përkatësisht nenin 70 mbi mandatin e deputeteve, derisa sqaron se përkeqësimi i kësaj antinomie nuk është i rastësishëm.
“Kur marrim parasysh faktin se aktualisht në pushtet ndodhet një parti, e cila konsideron se Kushtetua duhet t’i nënshtrohet interesit të saj, sepse vetëm ky i fundit është shprehje e vullnetit autentik popullor”.
Në anën tjetër, ligjëruesi i medias dhe konfliktit në Universitetin Adger, Abit Hoxha, konsideron se parimisht deputetët duhet të jenë sovran. Por, thekson se është në diskrecion të tyre nëse ndikohen apo jo nga dikush.
“Tani, kjo nuk do të thotë se është moralisht e pranueshme që dikush të ndikoj në politikëbërje dhe kjo situatë do të duhej të ishte temë e ndonjë komisioni disiplinor përbrenda Kuvendit si dhe mbi të gjitha, kjo është subjekt i trajtimit nga votuesit përfaqësuesit e tyre që votuan apo do të votojnë në të ardhmen”, tha Hoxha./Albanianpost
Të tjera
-
Ambasadori suedez: Ura të hapet në koordinim me banorët lokalë
Ambasadori suedez, Jonas Westerlund në një intervistë për Tëvë1 është shprehu...
-
Hasani: Marrëveshja e Brukselit dhe ankesi i Ohrit rihapin çështjen e statusit të Kosovës
Ish kryetari i Gjykatës Kushtetuese, Enver Hasani në emisonin “Click” në RTV2...
-
I kërkuar ndërkombëtarisht për vrạsje e grạbitje – Policia e arreston 27 vjeçarin në Mitrovicë
Policia e Kosovës, gjegjësisht njësiti (FAST Kosova), me mbështetje të Njësis...
-
Raci: Opozita po e shfrytëzon Kuvendin për fushatë zgjedhore!
Nga pushteti akuzojnë opozitën se po gjen tema qëllimisht tash në prag të fus...
-
Haradinaj habitë me deklaratën: Albini ka ba foto me dronët “Bayraktar”, le të tregon qysh i ka humbë droni
Daut Haradinaj nga Aleanca për Ardhmërinë e Kosovës tha se “90% e pajisjeve u...
-
”Pritet arrestimi i tre ministrave të Albin Kurtit”
“Tre ministra të Qeverisë Kurti pritet të arrestohen”, kështu tha anëtari i K...
-
Daut Haraidnaj: Mimoza dinë qaq shumë për Kurtin, sa mund ta “varrosë” – andaj s’e qorton
Anëtari i Kryesisë së AAK-së, Daut Haradinaj ka folur rreth përgjimeve mes Mi...
-
“Dy krisma të alltisë i kam dëgju”, dëshmitari rrëfen për momentin vrạsjes afër hotelit ku punonte në Dragodan
Besnik Vitija, i cili kishte punuar në hotelin “Adria” kur kishte ndodhur vra...
-
Pacolli: Ka dëshmi që kam biseduar me Radoiçiqin në sy të Kurtit dhe Osmanit
Behgjet Pacolli, kryetari i Aleancës për një Kosovë të Re (AKR), ka thënë se ...
-
Daut Haradinaj me deklaratë të fortë: Ka përgjime më të rënda se këto të Kusarit me Radojçiqin
Anëtari i Kryesisë së Aleancës për Ardhmërinë e Kosovës (AAK), Daut Haradinaj...
-
Selmanaj thotë se Kusari-Lila është në gjendje të rëndë: Asnjë deklaratë nuk e ka të njejtë!
Deputeti i Lidhjes Demokratike të Kosovës, Driton Selmanaj ka komentuar bised...
-
Pacolli: Kam bërë gabim në votën për Qeverinë Kurti, Kosova ka ngecur në shumë fusha
Ish-presidenti Behgjeti Pacolli, duke reflektuar për punën e Qeverisë Kurti p...