Lajme

Dedaj thotë se ka trauma: “Nganjëherë nëse më pyesni si e kam emrin, mund të mos e di”

Autori: Gazeta inFokus 13:57 | 06 November 2023

Ish-ambasadori i Kosovës, në Maqedoninë e Veriut, Gjergj Dedaj, është duke e vazhduar dëshminë e tij në Gjykatën Speciale.

Ai ka vazhduar të mohojë se është rrahur nga pjesëtarë të UÇK-së, në fshatin Qirez në vitin 1998.

Dedaj ka thënë se shumë gjëra nuk i kujtohen, madje ai është shprehur se për shkak të regjimit serb i kanë mbetur shumë trauma.

-Advertisement-

Ai tha se ka momente që edhe po ta pyesin si e ka emrin, ai s’do të dinte si të përgjigjej.

“Isha ulur në karrige, kur i kam pa ato sjellje të pahijshme, jam ngritë në këmbë dhe jam mëndu me i qetësu, mund ta kem marrë ndonjë grusht, si në futboll, që merr ndonjë bërryl apo grusht. Ajo për mu nuk është asgjë. Jeni ka bisedoni me një njeri, tepër të veçantë dhe të jashtëzakonshëm, sa i përket sakrificave dhe vuajtjeve për lirinë e Kosovës… shpesh herë mundem të mos jem në gjendje, me më pyet si e kam emrin dhe mos ta di”, tha ai.

Duke i komentuar disa deklarata të tij në të kaluarën se është rrahur nga UÇK-ja, Dedaj tha se e pranon publikisht se i ka ekzagjeruar ato ngjarje.

Subscribe në YouTube: GAZETA INFOKUSI
Etiketa:
Marsi sjell Magji në ETC

Të tjera

Fokusi

lajme