Lajme

Deda e kthen në kohë VV’në: Asnjëherë si opozitë nuk ua ka votuar kryeparlamentarin tjerëve

Autori: Gazeta inFokus 11:26 | 25 Prill 2025

Analisti i çështjeve politike, Ilir Deda, ka reaguar në lidhje me ngërçin në Kuvendin e Kosovës, duke theksuar se është krijuar një praktikë që kryetari i Kuvendit të zgjidhet vetëm nga shumica që formon Qeverinë, gjë që sipas tij “mund të jetë e gabuar”, shkruan Gazeta Infokus.

Deda tha se dështimi i katërt për zgjedhjen e kryetares së Kuvendit mund të përsëritet edhe për katër muaj me radhë, pa asnjë rezultat të ri.

Ai kujtoi se edhe Vetëvendosje, sa ishte në opozitë, nuk ka votuar asnjëherë kandidatin për kryetar Kuvendi nga partitë e tjera.

-Advertisement-

Postimi:

Në Kosovë është kriju një praktikë politike që Kryetari i Kuvendit të zgjidhet vetëm nga shumica parlamentare që e krijon edhe Qeverinë. Kjo praktikë mundet me qenë e gabuar, por është e tillë.

Me 4 votime të pasuksesshme për zgjedhjen e kadidates për kryetare të Kuvendit pasi që VV nuk e ka ndërtu shumicën parlamentare për Qeveri mund të vazhdohet edhe për 4 muaj tjerë, por rezultati do të jetë i njejtë pa një marrëveshje politike.

Nuk mund të shpiken parime politike sipas nevojës dhe varësisht a je në pozitë apo në opozitë. Nëse si parti në opozitë asnjëherë nuk e ke votuar kryeparlamentarin e partive të tjera, atëherë nuk e ke asnjë bazë të kërkosh bllanko përkrahje nga të tjerët.

Rruga e vetme është te marrëveshja politike.

Përndryshe këtë film e kemi pa në 2014 e 2017, me role të tjera atëherë. Ama është film i keq, e filmat e këqij nuk kqyren 3 here.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy