Lajme

Deçanasi gjendet i lidhur në skaj të rrugës

Autori: Gazeta inFokus 10:06 | 11 November 2021

Një person nga Deçani është gjendur i lidhur me litarë në skaj të rrugës në magjistralen Deçan-Gjakovë, shkruan Gazeta Infokus.

Në lidhje me ngjarjen policia kanë takuar viktimën i cili ka deklaruar se derisa kishte qenë duke e drejtuar veturën ishte ndaluar nga tre persona të panjohur të maskuar dhe njëri prej tyre edhe i armatosur.

“Është raportuar se viktima mashkull kosovar, ishte hasur i lidhur me litarë në skaj rrugës,  nga dy dëshmitarë në rrugën magjistrale Deçan-Gjakovë. Njësitë relevante  policore kanë dalë në vendin e ngjarjes, kanë takuar viktimën i cili ka deklaruar se derisa kishte qenë duke e drejtuar veturën në rrugë ishte ndaluar nga tre persona të panjohur, të maskuar njëri prej tyre i  armatosur”, thuhet në raportin 24 orësh të Policisë së Kosovës.

Sipas viktimës të dyshuarit i kishin grabitur një qese najloni në të cilën kishte pasur para të gatshme.

Viktima ka pranuar tretman mjekësor, si dhe rasti vazhdon të hetohet./Gazeta Infokus/

Të tjera