Lajme

Davos, 100 vite pas gripit spanjoll, bota përballë një pandemie të re

Autori: Gazeta inFokus 09:02 | 26 January 2018

SARS, Ebola, Zika: një shekull pas regjistrimit të 50 milionë të vdekurve nga gripi spanjoll, epidemitë vdekjeprurëse sa vijnë e shtohen.

”Ndërkohë një pandemi e re duket e pashmangshme në planetin tonë mjaft të ndërlidhur”, paralajmërojnë ekspertët.

”Pandemitë po bëhen vërtetë një kërcënim për njerëzimin”, paralajmëroi Elhadj As Sy, sekretar i përgjithshëm i Federatës Ndërkombëtare të Shoqatave të Kryqit të Kuq dhe të Gjysmëhënës së Kuqe (FICR), intervistuar nga media në Davos.

-Advertisement-

Rreziku është marrë shumë seriozisht në Forumin Ekonomik Botëror që mbledh çdo vit në Zvicër elitën në fushën e ekonomisë dhe politikës botërore.

Seminari “A jemi të përgatitur për pandeminë e ardhshme?” tërhoqi mjaft vëmendje.

“Jemi të vetëdijshëm se kjo do të ndodhë, por nuk kemi asnjë mundësi për të parandaluar”, u shpreh Sylvie Briand, specialist i rrezikut infektiv në Organizatën Botërore të Shëndetësisë (OBSH).

Ky vit shënon 100-vjetorin e gripit të ashtuquajtur “spanjoll”, që në fakt u importua në SHBA nga ushtarët që kishin ardhur për të luftuar në Evropë, epidemia më e keqe në histori.

Mes 40 dhe 50 milionë të vdekur në të gjithë botën në dy vite, më shumë viktima të regjistruara sesa në Luftën e Parë Botërore.

Subscribe në YouTube: GAZETA INFOKUSI

Të tjera

Fokusi

lajme