Lajme

Daut Haradinaj do ta ndërtojë një treg të ri dhe do ta revitalizojë Tregun e Gjelbër në Prishtinë

Autori: Gazeta inFokus 10:33 | 09 October 2021

Tregjet për blerjen e të mirave në Prishtinë, janë edhe të pamjaftueshme dhe me infrastrukturë të dobët, duke ofruar kushte jo të mira për shitësit dhe blerësit. Tregu më i madh në Prishtinë, i njohur si Tregu i Gjelbër nuk ofron kushte adekuate infrastrukturore dhe higjienike për ekspozimin e artikujve të ndryshëm që i sjellin tregtarët për t’i shitur

Kandidati për kryetar të Prishtinës, Daut Haradinaj, e ka në programin qeverisës ndërtimin e një tregu të ri në rrugën “Agim Ramadani”, ku aktualisht gjendet me objekt Agjencia Kosovare e Privatizimt, si dhe do të revilatizohen hapësirat ekzistuese të Tregut të Gjelbër në Prishtinë.

Por, çka nënkuptohet me revitalizim të Tregut të Gjelbër?

-Advertisement-

Haradinaj ka paraparë që dyqanet shërbye dhe zejtare që gjenden në rrethinë të këtij tregu, që janë në pronësi të Ndërmarrjes Banesore, të rinovohen me buxhetin e ndërmarrjes, me përkrahjen e plotë të komunës. Do të rinovohen kulmet, fasadat dhe vitrinat ekspozuese.

Ndërkaq, hapësira e përdorur deri tani për shitjen e produkteve të veshmbathjes do të rilokohet në kuadër të ndërtesës së re të Tregut të Prishtinës. Hapësirat e liruara në këtë treg, pastaj do të përdoren si hapësirë parkingu për Tregun e Prishtinës. Është paraparë edhe çmimi, ku ora e parë e parkimit do të jetë falas për konsumatorët dhe për furnizuesit e tregut.

Ky synim i Haradinajt, për ndërtimin e tregut të ri dhe revitalizimin e tregut ekzistues, është mirëpritur nga tregtarët por edhe nga banorët e kryeqytetit që i frekuentojnë tregjet për blerjen e produkteve të freskëta dhe cilësore.

Haradinaj ka një program qeverisës që analizuar mirë, që i përgjigjet nevojave të banorëve të kryeqytetit. Me fushatën e tij dhe takimet e përditshme me qytetarë, përkrahja për të është rritur dhe po vazhdon të rritet me hapa të shpejt.

Në zgjedhjet e 17 tetorit, ai është njëri prej kandidatëve kryesor për ta fituar garën e zgjedhjeve lokale në kryeqytet.

Subscribe në YouTube: GAZETA INFOKUSI
Etiketa:
BKT Kosova dhe Komiteti Olimpik i Kosovës nënshkruajnë vazhdimin e marrëveshjes së sponsorizimit për periudhë 10-vjeçare
-Advertisement-

Të tjera

Fokusi

lajme