Lajme

Dardan Gashi thotë që kishte oferta për një qeveri pa zgjedhje, por që i refuzuan

Autori: Halil Berisha 00:06 | 15 September 2019

Dardan Gashi, ministri në detyrë i diasporës, e tashmë anëtar i partisë NISMA Socialdemokrate, është i ftuar në Analizën Zgjedhore në Klan Kosova.

Gashit aty nga gazetari Zekirja Shabani i është bërë pyetje se nëse pas dorëheqjes së kryeministerit Ramush Haradinaj, kishte tentativa për një qeveri të re, e që do t’i shmangte zgjedhjet e parakohshme, shkruan gazeta inFokus.

“Ju ishit kumbarë i koalicionit të kaluar, kështu është propaguar e ju njeh opinioni, ditën që kryeministri dha dorëheqje unë shkruajta që kur ishte gara se kush do bëjë qeveri me një koalicion, unë thash ju bëni kalkulime Dardan Gashi veç e ka bërë qeverinë, po më intereson se prej nga ky besim për me bë koalicionin e kaluar dhe nëse NISMA kalkulon në disa vota të sigurta e pak a shumë e bëjnë pjesë të qeverisë së ardhshme për shkak të bastioneve e një llogaritje të dëshmuar të NISMËS e besa edhe numrit të deputetëve, nëse NISMA është pjesë e qeverisë kush është me juve”.

Ndërsa, Dardan Gashi, në këtë pyetje është përgjigjur duke pranuar që kishte tentativa për qeveri pa zgjedhje, por që ishte refuzuar nga NISMA.

“Ka pas tentativa, oferta e ide, ne i kemi refuzu, që ne nuk jemi të interesuar të futemi në qeveri të tillë nëse Lista Serbe është pjesë e qeverisë, e ne deshëm të shkojmë në zgjedhje, sa i përket qeverisë të ardhshme ne e kemi thënë qartë që nuk kemi vija të kuqe me askënd, por i kemi disa tema. Dialogu është temë kyçe që po na mban peng, po e mbajmë qëllimisht me populizëm Serbinë brenda faktor politik, pa e largu Serbinë nuk mundemi me u zhvillu ekonomikisht”, ka thënë Gashi./Gazeta inFokus/

Të tjera